Zoram Loneitu

Editorial Board

Editor-in-Chief

Dr. C. Lalzarliana

Director of Agriculture

(Crop Husbandry)

Editor

James Vanlalluaia

Deputy Director (Extension)

Joint Editors

R. L. Thanzuala

Joint Director of Agriculture

(Technical)

K. Cholo

Joint Director of Agriculture

(Planning & Monitoring)

Contributing Editors

DAO – Aizawl, Lunglei,

Saiha, Champhai, Kolasib,

Serchhip, Lawngtlai, Mamit.

Circulation Manager

George Lalthanngura

ASSO

Members

Rohmingthanga Colney

Deputy Director (Planning)

Lalthanzuala

Deputy Director (Agronomy)

C. Lalthlamuana

Deputy Director (Oil Palm)

Tlangtimawia Zote

Insecticide Analyst

B. Ramnunsanga

SMS (Agronomy)

ZORAM LONEITU VOL. 59 NO. 6 : JANUARY – MARCH 2016

Contents

Editorial ……...…………………………………………….. 2

General Section :

1. Lehkhathawn …………………………………………….. 3

2. Agriculture Minister‘s Speech …………………………... 4

3. Director‘s Speech ………………………………….…….. 7

4. Field visit kan nei ……………………………………..... 10

- C. Lalṭhazova

5. Loneitu entawn tlak Pu Lalmalsawma …………………. 13

-R. K. Nithanga

6. Loneitu dinchhuah nan Oil Palm ………………………. 15

MAHIOPEN

7. Agriculture Marketing …………………………………. 18

- Lalthanzuala

8. Lei Chara Ruah Mal Far …….......................................... 20

- James Vanlalluaia

Technical Section :

9. Pest Serveillance ……...................................................... 26

- J. Rokima

10. Thlai Ral ……………...................................................... 29

- R. Lalrinawma

Regulars :

1. Kan Chet Velna .………………………………………... 32

2. Keimahni .......................................................................... 35

-1-

Editorial

―Hun hi pawisa a ni‖ tih thufing kan hre tawh ṭhin a. Hnam fing zawkte chuan

he thufing hi a takah an chanter mek a ni.Mitinin inang ṭheuha kan chan chu

‗HUN‘ hi a ni a. Mi fing ber leh mawl ber te, hausa leh rethei ber te, upa ber

leh naupang ber te pawhin kum khatah ni 365 kan nei ṭheuh a, darkar khatah minute 60 leh

second 60 kan chang ṭheuh bawk a ni. America ram khu Red Indian ho kuta a awm lai chuan

ram rethei berte zinga chhiar an ni ṭhin a. Nimahsela, sap ho an lut a, taima taka hna an thawh

chinah chuan an ram chu a lo hausain a lo ropui ta hle a ni. Hitler-a hlaua German ram aṭanga

tlanchhia Juda-ho, America rama an luh khan sum leh pai engmah an nei lova. Nimahsela, kum

nga a lo ral chuan an zinga mi ṭhenkhat chu Millionaire te, Multi-Millionaire te an lo ni thei

tawh a ni an ti. Pa pakhat chuan, “Lalpa hriselna min pe la, a dang zawng chu keimahin ka

intum vek ang” tiin a ṭawngṭai e, an ti. Khawvelah hian Pathianin rethei nghal tura a siam kan

awm bik lo, kan tha leh hunte kan hman thiam leh thiam loh a zirin kan retheiin kan hausa mai

zawk a ni. Japan-ho Mizorama lo kalte chuan, “Keini chu kan ṭul em mai a, YMA leh NGO

activities ṭha tak tak inneih ang hi kan ti ve hman lo a ni” an ti.

Heng kan sawi takte hian hlawhtlinna chu hun hman thiamah a innghat a ni tih min zitir chiang

hle awm e. Sawrkar ṭanpuina dawn tumna leh awlsam taka pawisa hmuh tuma beihna kawngah

kan inel nasa ta hle mai a. Hengte avang hian hausa thut pawh sawi tur an awm nual reng a ni.

Mahse, inghahna neilo hausakna hi hlawhtlinna a tling lo. Pathianin ram leilung ṭha tak, Sik leh

sa leh ruahtui ṭha tak min pe a, kan rama thlai leh thei chi hrang hrang thar theihte hi kan

inenkawl nan a tawk hle a, hemi hai chhuak tur hian ṭan kan lak a ngai hle a ni. Ţhalai ten feh

kawng zawh kan intihhmuh a, leilung hausakna hai chhuak tura kan tha leh zung kan hman tak

tak a hun ta. Kan thlah lo awm zel turte tana chenna tlak a nih theih nan kan ram leilung

hausakna rah seng thei turin ṭan la ila. Kan hun neihte hi mut nan te, vah mai mai nan te, thil ṭul

lo tih nante hmang lo ila, nikhatah darkar 24 hun kan neih hi thil ṭha tih nan chauh hman i tum

ang u. Hun hi pawisa a ni si a.

(Dr. C. LALZARLIANA)

ZORAM LONEITU VOL. 59 NO. 6 : JANUARY – MARCH 2016

-2-

Lawmthu Sawina

The Director,

Agriculture Department,

Aizawl, Mizoram.

Subject : Lawmthu sawina.

Ka pu,

Damdiai zau Hortoki-a farmer-te min duhsak ṭhin avangin kan lawm em em a, i chungah

lawmthu kan sawi e.

Min duhsakna avangin thil min tihsak hrang hrangte

1. RADP Scheme hnuaia Water Harvesting Tanky 7 (pasarih) min pek te,

2. Kum 2014-2015 a Land Development min tihsak te leh

3. Custom Hiring atana Tractor min pek bakah Development hrang hranga min hriatreng

avangin kan lawm em em .

Heng Development min siam sak avang hian kumina kan buh tharchhuah tur phei hi chu

harsatna lian thamte kan nei a nih loh chuan 50% hiala a pun chhoh kan ring.

Ka pu, heng kan lawmthu sawinate hi min pawmsak chuan kan lawm em em ang. Kan

lawm e.

I rintlak,

Sd/- Sd/-

(LALRAWNGBAWLA) (SELŢHUAMA)

SECRETARY CHAIRMAN

F.M.C. F.M.C.

DAMDIAI ZAU, HORTOKI DAMDIAI ZAU, HORTOKI

ZORAM LONEITU VOL. 59 NO. 6 : JANUARY – MARCH 2016

-3-

MASA 5

General Conference

February, 2016 a Tourist Lodge, Berawtlang-a neih

Pu R. Lalzirliana, Hon’ble Agriculture Minister Thusawi

In zinga ka lo tel ve thei hi ka lawm hle mai.

Agriculture hi kan ram ei leh bar dinhmun ngelnghehna leh hmasawnna hnukpui a la ni

reng a, nangni hi chumi atana thiamna bik neite in ni.

In thiamna leh finna behchhanin ‗Agriculture leh loneitute dinhmun chawikan‘ tih chu

thupuiah kan nei chho reng a, nasa takin hma pawh kan la a ni. Hma kan lo lak tawh zawng

zawngte thlir kirin tihfuh tawk loh lai leh kan hlawhtlinnate pawh uluk taka ennawn a ni reng a,

tun hma zawng aia chak leh fimkhurin hma kan la chho zel a, chu chuan nasa takin rah ṭha a

chhuah mek a ni.

Kan chet velna han thlirin sawi chak deuh deuh ka nei ve a –

1. Kan Sorkar hian Centrally Sponsored Scheme (CSS) lo awm sa – RKVY, MMA, NFSM,

ATMA leh a dangte chu uluk lehzualin a zir chiang a, tun hma zawng aia nasa leh

ṭangkaiin a hmang ta a. Tin, NLUP hnuaiah Department chuan kum 2010-11 aṭang khan

hma kan la ṭan ve a, vawiin thlengin WRC, Oil Palm leh Fu chin kawngah chhungkaw

tam tak kan ṭanpui tawh a. CSS leh NLUP ]angkawp avang hian loneitu chhungkaw tam

tak khaichhuah an ni a, hengte avang hian hmasawnna nasa takin a chak phah a tih theih

awm e.

2. Kan mipuite tana pawimawh em em, ‗Eizawnna ngelnghet siam‘ hi thinlunga dah nghet

tlatin hma kan la ho a, mi tam tak chu rahbi rual rem rap theiin kan siam mek kan ti ngam

awm e.

3. Kan ramah lo neih a hlawk loh ṭhin avang leh ]halaite tel vena a tlem em ṭhin avangin

khawl ṭha hrang hrang – tractor, power tiller, tui pump khawl leh a dangte kan chhawp

chhuak zel a, hei hian ṭhalaite a tiphur a, buh leh bal tharchhuahna kawngah kan ṭhalaite

an tel tam chho telh telh a, heng avang hian loneituten hahdam leh hlawk zawkin thlai an

ching a, an thar chho mek a ni.

Tin, CSS leh NLUP sumte pawt khawmin Sorkar-in nasa takin khawl man a tihhniamsak

a, a tak taka hnathawktute hnenah man tlawm zawkin khawl hrang hrang kan pe thei ta

zel a, a lawmawm tak meuh a ni.

4. Leilet (WRC) lama hmalakna ṭha tak avangin leilet nei an pung a, leilet hmun pawh a

pung chak hle. Hei hian tlangram lo neih a titlem zel a, kum 2008 aṭanga chhut ringawt

pawhin tlangram lo neih hi za zela 50 vel zetin a tlahniam tawh a ni.

ZORAM LONEITU VOL. 59 NO. 6 : JANUARY – MARCH 2016

-4-

Hengte avang hian kan buh thar pawh a pung chho ve zel a, productivity pawhin hma a

sawn zel a, a lawmawm hle. Mi tam takin hmun nghetah thlai an ching a, ramngaw

tichhetu tlangram lo neih an bansan ta zel bawk.

5. Technology thar, entirnan, System of Rice Intensification (SRI), Improved Package of

Practices (IPP) leh Hybrid Rice Technology (HRT) te avangin kan buh thar pawh a pung

chho ve zel a, a ram pum ang pawhin kan ṭhatpui hle a ni.

6. Kan ram ṭhang zel atana kan innghahna la ni tur Oil Palm chin kan uar zel a. Vawiin

thlengin hectare 18,000 vela zauah Oil Palm kan lo ching thei ta a, CSS leh NLUP

ṭangkawpin hma min sawntir zel bawk. Bukvannei-ah Oil Palm Mill ṭha tak kan bun

tawh bawk a, Oil Palm chingtute tan pawh beiseina thar a siamsak hle a, hma kan sawn

zel turah kan inbeisei a nih hi.

7. India Sorkar-in ram pum atana Scheme a siam RKVY chu NLUP malsawmna avangin

kum 2010-2011 aṭang khan kan lo hmang chho ve thei ta zel a, kan ṭangkaipui hle.

8. Mipui zaa 60-70 te innghahna, Agriculture enkawltu Department hi hun rei tak

thlahthlam leh ngaihsak loh a ni a; a thawktute pawh in hnualin in bei a dawng fo ṭhin.

Hei hi hrerengin Sorkar chuan Department siam ṭhatna turin hma a la ta a:

i. Kum 2011-ah Service Rules siamsakin Organized Service-ah hlankai a ni.

ii. Kum 2012-ah Entry Grade (AEO) chu Group B aṭangin Group A-ah hlankai a ni

a, Mizorama Organized Service dangte nen inang khata dah in ni ta.

iii. Agriculture Department-a Officer indaih lohna pawh chingfel chho zelin tun kum

5/6 chhung ringawt hian promotion/appointment hmu pawh mi 40 chuang in awm

thei ta bawk.

iv. Post thar pawh Department mamawhna enin kan siam belh zel a.

v. Hmun eng emaw zatah Office leh Staff Quarters thar kan sak belh zel bawk a.

vi. Agriculture hi kan hnam hnukpui a nih avangin a Department tihchangtlun zel hi

a pawimawh a, duhsak tlaka in thawh erawh a ngai awm e.

9. Vawiinah hian kan ram tana theihtawp chhuaha in lo beih tawhna zawng zawngah

lawmthu ka sawi a, dik tak leh rinawm taka hna kan thawh chuan hmasawnna a awm

ngei ngei ṭhin tih hi chiang hle bawkin ka hria.

10. Agriculture Service Officer-te hi kan ram ei leh bar dinhmun siam ṭha theitu ban

pawimawh ber in ni a, in kovah kan ram dinchhuahna hi a innghat thui hle a ni tih hre

nawn fo turin ka chah duh che u a ni.

11. In duh angin Sorkar-in thil tihsak thei diak diak rih lo che u mah se la, taima tak leh a eng

zawnga thil reng reng thlir tlat chunga nasa taka thawk zel turin ka chah duh che u a.

Sorkar pawhin theihtawpin hma a la zel ang a, ram intodelh ni hmasa turin ṭan a la zel

ang a, ei leh bara kan intodelh hmasak phawt chuan hma a sawn zel loh theih loh.

ZORAM LONEITU VOL. 59 NO. 6 : JANUARY – MARCH 2016

-5-

12. Hmabak erawh a ko a, tih tur a la tam hle. Chawl hman kan ni lo a, chawl thei kan ni hek

lo. Harsatna lam en tlat mi tan chuan engmah a tih tak tak theih loh a, beiseina nena

hmatiam pan tlat mi erawh a hlawhtling ṭhin.

13. Kan Sorkar-a kan mithiam bikte hian nasa zawkin rilru seng zel ula, ram leh hnam

hmasawnna tura ngaihtuah ṭul apiang mut mawh hnar mawha neiin ṭan la ula, a

tihhlawhtlin theihna tura tih theih kan nei ve a nih phawt chuan theihtawp ka chhuah ve

ang.

14. Taksa pakhatah peng hrang hrang a awm a, mahni hna ṭheuh an thawk ang hian, kan ram

leh hnam hmasawnna leh dinchhuahna atan mi tinin tih tur kan nei ṭheuh a, inlungrual

taka kan thawhho tlat zel chuan hma kan sawn zel ang.

15. Mahni service hmakhua ngaihsak tur a ni a, service zahawm taka siam tur pawhin

member tinten ṭan lak a ngai. Chutih laiin, ram leh hnam hmasawnna dah hmasa si lo,

mahni service hamṭhatna tur ringawt tuipui a awm theih viauin a rinawm. ―A ram leh a

felna zawng hmasa rawh u‖ a tih ang deuhin kan ram leh hnam tan hian nasa takin han

thawk phawt mai ula, in service chungchanga harsatna hrang hrangte chu Sorkar hian a

ngaihtuahsak hreh lo ang che u tih ka ring.

16. Mizoram Agriculture Service member zawng zawngte in service hmai tibaltu ni lo turin

invawng ṭheuh zel ula, mahni ]anghma aiin mipui, kuthnathawktute hmakhua dah hmasa

zel ula, inthiam–infinna hmangin kan ram hi ram nuam leh intodelha siam ngei turin ṭan

la sauh sauh ang che u.

Conference nuam leh hlawhtling tak hmang ngei turin duhsakna ka hlan bawk a che u.

Ka lawm e.

o0O0o

ZORAM LONEITU VOL. 59 NO. 6 : JANUARY – MARCH 2016

-6-

MASA 5

General Conference

February, 2016 a Tourist Lodge, Berawtlang-a neih

Dr. C. Lalzarlina, Director of Agriculture (Crop Husbandry) thusawi

Pu Chairman leh kan khuallian zahawm tak, Pu R. Lalzirliana, Agriculture Minister leh

ka thawhpui duhtakte –

He MASA Conference-a Welcome Speech sawi tura min sawm avangin lawmthu ka sawi

a. A hmasain MASA member Conference hmang tura lo kal zawng zawngte MASA Executive

Committee-in kan lo lawm che u a, hlim tak leh lungrual taka conference hlawhtling tak kan

hman theih nan duhsakna kan hlan bawk che u a ni. Media lam hian kan Department hi min

]awiawm ] ha em em a, vawiinah pawh he hun min rawn hmanpui avangin kan lawm a,

thawhhona ṭha tak kan neih avangin an chungah kan lawm hle a ni. Kan khuallian, Agriculture

Minister zahawm tak, Pu R. Lalzirliana‘n a hun chep tak karah kan sawmna ngaipawimawha he

hun min rawn hmanpui hi kan lawm takzet a, min kaihhruaina leh min hona hnuaiah hian kan

hlimin kan thlamuang hle a ni. He hunah hian kan Minister leh he Ministry-in kan Department

tan thil min tihsakte hi a tamin a hlu hle a, chung zinga ṭhenkhat chu han tarlang ila:

1. Deputy Director (Oil Palm) post min siamsak : Harsatna chi hrang hrang karah CSS

post bo mai tur aṭangin kan mamawh em em, Deputy Director (Oil Palm) post min siamsak a,

hei hian nasa takin Oil Palm Scheme a tichak a ni.

2. Repatriation of VLW from RD Department : Rural Development Department-a VLW

awmsate zinga mi, post 12 lai mai chu an post nen Agriculture Department-ah min dah let sak a,

hei hian field lama kan indaih lohna nasa takin min chhawk a ni.

3. Mizoram Agriculture Service Rules siam : Kum tam tak kan lo sual a, tih theih loh ang

hiala ngaia kan lo beidawnpui tawh, mahse, beiseina nasa tak nena kan lo thlir ṭhin, Mizoram

Agriculture Service Rules chu 2010 khan min siamsak a, hei hian dinhmun zahawm takah MAS-

te chu a hlang chho ta bawk.

4. Upgradation of MAS Grade-V : Kan Entry Grade (AEO leh a tlukpui) post-te chu

Service Rules siamfel rualin Group ‗B‘ aṭangin Group ‗A‘-ah min hlan kaisak a, post zahawm

takah a siam chho ta bawk.

5. Promotion of Officers : Tuna kan Sorkar ṭha tak hian Agriculture Department-a Officer

thawk mekte tan promotion avenue tam tak min siamsak a, hei hian thawktute a tiphurin

taimakna leh rinawmna thar a siam phah a ni. Chungte chu –

i) Grade-I - 2 Nos.

ii) Grade-II - 3 Nos.

iii) Grade-III - 3 Nos.

iv) Grade-IV - 7 Nos.

v) Grade-V - 5 Nos.

ZORAM LONEITU VOL. 59 NO. 6 : JANUARY – MARCH 2016

-7-

6. Oil Palm Seed Garden : Mizoram mai ni lo, North East State zawng zawng tana ṭangkai

pha tur IIOPR leh Mizoram Sorkar ṭangkawpin Oil Palm Seed Garden min siamsak a. Hei hian

Mizoram chu Oil Palm chinna hmun pawimawh lehzualah a hlang chho ta a, tunah hian kan

]henawm State zawng zawng hian Mizoram Oil Palm chin dan leh hmalak dan an entawn chho

ta mek a ni.

7. Construction of Buildings/Offices : Tuna kan Sawrkar chak tak hian Department

tihchangtlun nan Building/Offices tam tak min siamsak a, District hrang hrangah hmunhma

zahawm leh Building ṭha kan neih theih phah ta a ni. Office leh Quarters sak tharte chu –

1) DAO Offices = 5 Nos.

2) DAO Quarters = 5 Nos.

3) SDAO Offices = 8 Nos.

4) SDAO Quarters = 9 Nos.

5) AEO/Staff Quarters = 9 Nos.

6) ATMA Offices = 4 Nos.

Heng bakah hian Link Road 722 Km laia thui laih a ni tawh a, kumin 2015-16 chhung

hian 20 Km-a thui laih tura ruahman mek a ni bawk.

8. Central Sorkar-in Agriculture hmasawnna tur Scheme hrang hrang a rawn siamte

tihhlawhtlin a nih theih nan kan Sorkar-in theihtawp min chhuahsak zel a, a bik takin State

Matching Share kan hmuh theihna chhan pawh kan Minister zahawm takin theihtawp chhuaha

min buaipui vang a ni a, hemi chungchangah hian a bik takin lawmthu kan sawi a ni.

9. Regularization of Super Numerary Posts : Kan Department hnuaia Super Numerary

Posts, heng a hnuaia kan tarlante hi kan Sorkar hian min regularize sak a, lawmawm kan ti hle.

1. MAS Grade – III = 3

2. MAS Grade – IV = 3

3. MAS Grade – V = 1

DEPARTMENT MAMAWH HRANG HRANGTE

He hun tawi teah hian kan khuallian hnenah a lo hriatreng a, a theih chin china min

tihhlawhtlinsak turin kan mamawh tak takte zing aṭangin thil tlem hi han sawi ve ka duh a,

chung te chu-

1. Repatriation of 34 Nos. VLW’s from R.D : A hma lama kan tarlan tawh VLW rawn

kirte bakah la kir lo mi 34 lai an la awm a, field lamah nasa taka indaihlohna a awm mek

avangin heng mi 34 te hi Agriculture Department-ah min dah let sak turin kan dil a. Heng mi 34

te hi Agriculture Department mi leh sa anga ngaih leh kan Gram Sevak-te nena seniority list

thuhmun hmang mek an ni.

2. Filling-up of AAI Graduate Quota : AAI zingah hian Graduate-a luh theihna post 8 a

awm mek a, tun dinhmunah Scheme hrang hrang, e.g – NLUP, NMSA, NFSM, PMKSY,

ZORAM LONEITU VOL. 59 NO. 6 : JANUARY – MARCH 2016

-8-

NMOOP etc. te kan enkawl mek avangin Technical Staff indaih lohna a nasa em em a.

Chuvangin AAI atan Graduate post 8 hi min hnawh khah sak kan dil a ni.

3. Filling-up of Grade-V vacant post : Kan entry Grade AEO etc-ah hian post 80 awmin

hemi zinga 66% vel hi Graduate post (Direct Recruitment) tur a ni a, hetih lai hian Grade-V a

awmsate mi tam tak an kaisang chho mek zel a, chuvangin field-ah thawktu mithiam an tlem ta

em em mai a. Hei vang hian kan Scheme sawi tak chi hrang hrangah khan monitoring and

supervision tithei pawh an awm ta mang lova, hemi bakah hian ṭhangthar zinga Agriculture

Science zir, mithiam tak tak an lo chhuak mek zel bawk a, chuvangin Grade-V post ruak mekte

hi min hnawh khah sak turin kan dil a ni.

4. Vehicle Allotment for Field Officers : Kan Department-ah hian Director chauh motor

kawl thei a ni a. Kan Field Officer-te zingah tumah motor kawl thei an awm lova, District tinah

NLUP Pool Vehicle pakhat ṭheuh a awm a, min hriatpui angin project leh scheme chi hrang

hrang en zui ngai kan ngah a, theihtawp pawh kan chhuah mek reng a ni. Mahse, motor kan

indaih lohna avang hian kan hnathawhna chi hrang hrangah monitoring/supervision/field visit-

ah harsatna nasa tak kan tawk a, motor hire-na mai tur sum kan nei thei bawk si lova. Tin,

hmun tam takah Public Transport System a awm mumal loh avangin harsatna kan tawk bawk a,

chuvangin kan District Agricultural Officer-te tan tal hian motor min ngaihtuahsak turin kan

ngen bawk a ni.

5. Re-designation/Re-structuring of Posts : MAS Service Rules kan lo neih tak avangin

kan Entry Grade AEO etc te duty post siam fel a ngai tih sorkar aṭanga thu dawn a ni a, hei hi

Sorkar tan pawha sum sen belhna ni lo, Department kalphung siamfel mai tur a ni a, a rang lama

min ngaihtuahsak turin kan ngen e.

6. New construction of Agriculture Directorate Building : Kan khuallian remruatnain

kan Directorate Building ṭha taka sak tura ruahman mek a ni a, hei hi a hlawhtlin ngei theih nan

theihtawp min chhuahsak turin kan ngen a ni.

ZORAM LONEITU VOL. 59 NO. 6 : JANUARY – MARCH 2016

-9-

Field Visit

Kan Nei A

C. Lalṭhazova, Farmer

Keifang, Saitual Circle.

Mizote hi pi leh pu aṭang tawha lo neia eizawng kan ni a. Ram a changkang zel a,

hmanlai lo neih shifting cultivation chu zawi zawiin kan bansan tial tial a. Kan sorkar pawhin

hma a sawn chak hle mai. Hmanlai lo neih chu bansanin huan nghet neih a, thlai nghet leh tlo

sum chang thlai chintir hi kan sorkar tum a ni ta. Mizo zingah hmanlaite ngaihtuah chuan kum

tin lo vat a, eizawng kan tlem ta hle. A chhan pawh sorkar inrelbawlna lo changkan zel vang a

ni kan ti lo thei lovang. Mahni ram ṭheuhah thlai nghet leh hlawk zawk min chintir hi sorkar

tum a ni a, hei hi hrerengin Agriculture Department pawh hian loneitute hma min lakpui mek a

ni. Dinchhuahpui ngei theih tur thlai, kan rama ṭha duh ve tho si min zawnchhuahsak zel a,

tunah hian kan sorkar chuan hma lain sum chang thlai, tlo leh nghet, hlawk zawk tur leh

loneituten an dinchhuahpui ngei tur Oil Palm chin min zirtir ta hi vanneihna chu a va ni em!

Kum 2001 aṭang khan Agriculture Department chuan Rotlang leh a chhehvel khuaah Oil Palm

chin tan tirin tunah chuan Zoram hmun hrang hrangah min lo chintir ta a ni.

Oil Palm hi kum 2013 aṭangin ka ching

ve ṭan a. A thlawnin a chi sorkar-in min pe a.

Poly pot-ah a nung sain a phun hun June to

October-ah ka phun a. Kum 2013-ah khan

kung 143 ka phun a, kum 2015 hian kung 46

ka phun belh leh a. Sakuh leh Thehleiin min

eichhiatsak ve nain tunah kung 187 nung dam

ka nei mek a ni. Kum 2016 hian kung 140

phun belh ngei ka tum a ni.

Oil Palm ka chin ve takah chuan zau

zawka zin a, ching hlawhtling tawhte chin

dan leh an hlawhtlinpui dante hriat ka chak

hle ṭhin. Kan sorkar-in a herna hmunpui

Bukvannei-ah an bun tih ka hriatin a hmun

ngeia han hmuh ka chak ṭhin em em a, ka la

tlawh ve ang tia rilru ka lo siam mek laiin

vanneihthlak takin ni 6.11.2015 zing dar

5:30-a chhuak turin Field Visit neih tur a nih

thu min bialtu AEO Pu Zova‘n phone-in min

rawn hrilh ta hlauh mai a. ―Pu Ruata,

Rulchawm nen kal turin lo inruahman ta che

u, kal turin kan ti che u a nia‖ a rawn ti a, ka

lawm kher mai. Pu Ruata, Rulchawm chu

hrilh nghal vatin a kal theih loh tur thu leh a

aiah a nau Remmawia a kal tur thu min rawn

hrilh nghal a. Ni 5.11.2015 chuan Aizawl-ah

zan riak thla turin Sumo-in ka chhuk ve ta a.

Ni 6.11.2015 zing dar 5:45-ah chuan

Agriculture Directorate Office, Aizawl tual

aṭang chuan Sumo 3-ah chuangin mi 28 – min

hruaitu 7 leh farmers mi 21, mipa 20 leh

hmeichhia pakhat te chu Field Visit nei tur

chuan kan chhuak ve ta a ni. Kan hotupa ber

chu Pu H. Neihchhunga Seed Analyst, DAO

Aizawl Office a ni a, kan hlim tlang hle.

Tluang taka tlan zelin Khamrang

khuaa Tuitun zau rama Pu Vanlalnghilhlova,

Bawngkawn, Aizawl-a mi Oil Palm hmun chu

kan thleng ta a, tlawh kan tum ber chu

Pu C. Lalthanzauva, Chaltlang, Aizawl –

Greenland Higher Secondary School neitu Oil

Palm hmun, Tlawng lui kama awm,

Khamrang aṭanga 6 KM vela awm chu a ni a.

Mahse, kawng nal avang leh kan motor hman,

haw lamah a letleh theih loh kan hlauh

avangin Pu Nghilhlova Oil Palm hmun hi

ZORAM LONEITU VOL. 59 NO. 6 : JANUARY – MARCH 2016

-10-

remchangah hmangin kan tlawh ta zawk a ni.

Amah ngei chu lo awmin a huan aṭang chuan

Oil Palm chungchanga kan hriat tur ṭul zawng

zawng chu kan hriat theih phah a, kung 461 a

neih thu min hrilh a, hlawk kan titlang hle.

Oil Palm hi feet 30-a inhlata phun a ṭhat thu

leh fai taka enkawl a ṭhat thu te, a kung bul

vel chu feet 6 vela laihzawl a ṭhat thu te,

leiṭha fertilizers a mamawh tawk pek a ṭhat

thute chu min hrilh vek a. Kum 2007-ah a

phun ṭan thute, kum 2013 aṭanga a rah a hralh

ṭan thu leh hemi kum hian cheng nuai khat

chuang a lei thute min hrilh a, kum 2014-ah

nuai 3 chuang a lei thu leh kum 2015-ah

chuan ruahtui hul hnuin cheng nuai lei ngei a

inrin thute kan hre thei a, hlawk kan ti tlang

hle a ni. A Oil Palm rah hi Khamrang chhuah

kawngpuiah Collection Centre-ah phur

chhuakin a rah a hralh thu min hrilh a, a

bengvarthlakin kan lo kal lovang tih kan hlau

hnuhnawh hle. Rilrua ruahmanna thar nei ran

chung chuan a Oil Palm hmun chu chawhma

dar 9:28-ah chuan kan chhuahsan leh ta a ni.

Pu C. Lalthanzauva huan kan tlawh thei ta lo

erawh hi chu pawi kan titlang ngei mai. A

huan tlawh thei ta lo mah ila, Khamrang

Collection Centre-a lo awm, a naute kan zawt

a, kum 2015 khan cheng nuai 8 man Oil Palm

rah aṭangin a lei tawh thu kan hria a, nuai 10

chu lei chhuak ngei turah an ngai a ni. Chu

chuan Field Visit-a kalhote min tiphurin

hlawhtlin hun tur min ngaihtuah chhuahtir a,

kan lawm hle.

Tukṭhuan chu Bualpui khuaah kan ei

thla a, rei chawlmuang lovin kan tlan zel a.

Chhun dar 11:20-ah Kolasib-a Agriculture

Office kan tlawh thla a, zun ram te kan thiar

zawhin kan tlawh tum Bukvannei-a Oil Palm

herna hmunpui pan chuan kan chhuak leh ta

a. Chhun dar 12:36-ah Bukvannei Oil Palm

herna hmunpui chu kan thleng a, Main Gate-

ah chuan Security Duty-te chuan luhtlang mai

an lo phal lova. Mahse, min hruaituten kan

kalchhante va sawiin kan lut ta a. Khawl khu

vung vung te, thil her nei niawm taka lo ri

hum hum te leh lo so buah buah mai te kan

hmu zel a. Oil Palm rah an herna fe vum thur

te chu JCB-in hmun hranah a lo thiar sawn

mek lai kan han hmu meuh chu kan kal hma

kha kan ngai lo tlang kher mai. A chhan chu

kan kal hma kha chuan a thu maiin kan hria a,

khuaa kan ṭhiante phei chuan, ―Sorkar hian a

herna a bun a, her pawh a her tak tak ngut

lovang,‖ an ti kha a ni a. Mahse, an lo her

chiang hle a ni tih kan mitin kan hmu a, kan

hre ta. A hmunah hian Oil Palm rah hi Kg.

khat cheng nga leh duli (1 Kg = Rs. 5.50) in

an lei a ni tih kan hria a, Oil Palm chin chu

inchhirawm dawn lo hlein kan hria. A chhan

chu Oil Palm rah hi a bawr bawra hralh a ni a,

bawr khatah hian Kg 10–15 vel a awm thei tih

kan hre ta zel a (hei hi a kung ṭha bik aṭangin

a ni). A bawr te pawl pawh Kg 3-8 vel an ni

tlangpui thei tih Farmer-te ngeiin a takin an

thar a, an sawi kan hre tlat a ni. Chuvangin

Oil Palm chin hi a phurawm a, a hlawk bawk

a, a rah seng hmasak ber kum aṭanga kum 25–

30 hlawk takin a rah a seng theih hi a ṭhatna

leh a hlut bikna chu a ni. Malaysia ram chuan

tun hmain Rubber an lo ching ṭhin a,

khawvelah pawh an lar phah a nih kha, tunah

chuan Rubber aiah Oil Palm an ching a, an

ramin a hmingthan phah mek a ni. Hlawk an

ti a, an ngaihlu a, a tam thei ang khawvel

ramdanga thawnchhuak turin ṭan an la mek a

ni.

Field Visit-a kalte hi mi ṭul tak tak vek

kan ni a, upa tawh takte awm ve bawk mah

ila, chu chuan Oil Palm chin min tihnual lo

tlang niin kan inhria. Kan tu leh fate tan

thleng pawha hlawk tur thlai Oil Palm ngei

chin hi zawngchhangthlak ber dawnin kan

ZORAM LONEITU VOL. 59 NO. 6 : JANUARY – MARCH 2016

-11-

hria a. Zoram tluanah sik leh sa mil, ram nei,

loneitute hian Oil Palm hi i ching uar ang u.

Kan Sorkar pawhin theihtawp min chhuahpui

zel dawn si a. Zoram loneitute tan hian

Company hrang hrang Oil Palm chingtute tan

min dawrsak tawh a, India Sorkar chuan kum

2004 aṭang khan Mizoram Sorkar chu Oil

Palm ching thei turin MoU a lo signed pui

tawh a ni. Tunah hian Kolasib leh Mamit

District tan Oil Palm chinna tura kawng sialin

a rah lei thu-ah Godrej Oil Palm Limited-in

hma an la mek a ni. Heng District-a mipuite

hian chhawr thei turin theihtawpin Oil Palm i

ching ang u, kan nihlawh a ni. Chutiang zelin

Saiha, Lawngtlai leh Lunglei District-a

mipuite tana hma la tur leh an Oil Palm rahte

leisak turin Ruchi Soya Industries Limited an

awm bawk. Loneitute ṭhanharh a hun e.

Heng District chhunga mipuite hian tunah

chuan bat in nei a ni. A ching mekte leh la

ching ve lote kutah hian hlawhtlinna thuruk a

awm a, Oil Palm la ching lo i nih chuan kum

tharah bul ṭan ve rawh le. Rim taka kum tam

tak thawka i lo hlawhtlinpui tawh loh thlai

chin kha bansan la, Oil Palm hi ching nghal

rawh. I kutah sum a awm e. Aizawl leh

Serchhip District-a loneitute tan pawh hian

kawng a inhawng ve tho a sin. Oil Palm

ching mek leh la ching zel tur tan Food Fats

& Fertilizers Limited-in hma min laksak mek

a. A rah seng tur neia sum tam tak hailut

mekte hailuh ruala sum hailut ve turin kan

District huamchhunga Circle 5 – Saitual,

Sialsuk, Muallungthu, Thingsulthliah leh

Aizawl South Circle-te aṭang hian Field Visit

hi tun ṭumah hian kan nei a ni.

A tlangkawmna atan Zoram loneitu

zawng zawngte hian kan hlawhtlinpui tur ngei

chauh thlai chin uar turin kan inchah a ni.

Kum tam tak lo neiin ei kan lo zawng tawh a,

thlai pawh chi hrang hrang kan lo ching tawh

ṭhin. Thlai eng pawh ching ila, kan

tharchhuahte man man zawka hralhna a awm

chuan loh chuan hlawhtlinpui theih a ni lo.

Sorkar pawhin loneitute tana hlawk tur thlai

chintir min tum a, chu thlai chu enge ni? A

hralhna a awm ṭha em? Ching hlawhtling

tawh an awm em? Sum engzat nge an

thawhchhuah tawh? Sorkar-in an thlai

tharchhuah chu an leisak ngei em? tiin

zawhna kan inzawt a ni mai thei. Oil Palm

thlai hi heng zawhna chhanna hi a ni. He

article hi kan chhiar let leh chuan Oil Palm

rah hralhna a awm thu te, ching hlawhtling an

awm thu te, sum an lakluh tam tawh zia te,

kum khat chhungin cheng nuai 10 lakluh

theih a nih thute kan hre tawh a ni.

Chuvangin Oil Palm ching ve mai rawh.

Bukvannei-ah a herna khawlpui a awm a, an

her muah muah tawh mai. Zoram loneitu

zawng zawngte i ṭhangharh ang u. Zoram hi

India ramah The State of Oil Palm tia koh hial

kan nih phah theih nan, nang leh kei hi kan

pawimawh ber a ni.

A tawp berah chuan Field Visit nei

tura ruahmanna min siamsaktute leh kan Field

Visit min hruaitu Pu H. Neihchhunga, Seed

Analyst, DAO Office, Aizawl chungah

thinlung takin lawmthu ka sawi e. Zoram

tluana loneitu zawng zawngte ka chah leh duh

chu thawhrimna leh finna nei turin i kut

hnathawhah lawm la, hriselna leh finna kan

neih theih nan Pathian hnenah rim taka thawk

chungin ṭawngṭaiin i dil ṭhin ang u.

o0O0o

ZORAM LONEITU VOL. 59 NO. 6 : JANUARY – MARCH 2016

-12-

LONEITU ENTAWN TLAK

PU LALMALSAWMA

ZOTLANG, CHAMPHAI DISTRICT

R. K. Nithanga, MAS

DAO, Champhai

Mizoramah hian loneiha eizawng, Leileta bur chawt, kum tin khel lova leilet buh thar

ṭhin hi engemaw zat kan lo awm ve ta a. A bik takin Champhai District-ah phei chuan

Champhai chhehvel mai bakah District chhungkhaw tam takah leilet kumhlun nei, eizawnna

atana hmang kan tam tawh hle a ni. Chuti chung chung chuan, heng zinga a tam berte hi chu

mahni ngaihdana kal, hmasawn tum aia pi leh pute aṭanga inhlanchhawn thiamna nei ṭha inti,

thiamna thar ṭul ti lem lo an ni fur mai!

Hmasawn duh Pu Lalmalsawma

Pu Lalmalsawma s/o Hrangchhuma,

Zotlang hi leileta buh leh thlai dang chinga

eizawng, ei bara mahni intodelh, kuthnathawh

aṭanga sum thianghlim lalut, sorkar leh

mithiam zawkte thurawn ngaichanga zawm

zel thei, a hlawkna leh hlawhtlinna hmu zel

mai hi loneitu entawntlak a va ni em!

A chanchin

Aizawl Dawrpui veng pa lar,

Pu V. Lalliana tupa Pu Lalmalsawma (45)

hian a pu aṭanga a rochun ram Hectare 3 a zau

neiin leilet buh chinna tak chu 2.5 Ha. niin a

bak 0.5 Ha. chu chenna in leh tuikhuah atan a

hmang a. Kum tin buh tin 400-500 a thar ziah

ṭhin.

Thu zawmtu tih dan

Kum 2015 khan Agriculture

Department hmalakna leh zirtirnate chu ngun

taka ngaithlaa zawmin, a leilet buh chinna

zawng zawng 2.5 Ha. chu mithiamte thurawn

angin a buatsaih a. A hmalak dan tlangpui

chu hetiang hi a ni -

1. Buh chi ṭha leh hlawk chi Agriculture

Department-in an sem, CAU-R1 chu

bag khat (Kg.40) a la ve a.

2. Nursery uluk taka buatsaihin feet 12

bial chu uluk taka letin Fertilizers DAP

Kg. 10 leh MOP Kg. 5 leh bawngek

leiṭha nursery-ah chuan a lehpawlh a.

A ṭiah aṭanga ni 10-ah Urea Kg. 2 a

theh bawk a.

3. Buh chi a dawn a]anga a zatve (20

Kg.) chu damdawi, Carbendazim tuiah

chiahin daihlimah a dah hul/hil zet a,

Nursery-ah a kûi ta a.

4. A ]iah a]anga ni 15-ah bi khatah a mal

zelin SRI dan angin tlar fel takin a

phun sawn ta a, buh chi hi a chuang

hnem fu mai.

5. Hetiang hian natna leh rannung laka

ven nan damdawi hmangin a kap

chhuak vek bawk –

Vawi khatna : A pen ṭan tirh (Tillering

stage)-ah Propiconizole 25% EC in a

kap chhuak vek.

ZORAM LONEITU VOL. 59 NO. 6 : JANUARY – MARCH 2016

-13-

Vawi hnihna : Khup chen vel a nihin

rannung thahna hlo, Quinalphos-in a

kap chhuak leh.

Vawi thumna: A tulzum laiin natna

ven nan Propiconazole-in a kap leh.

6. Buh hi a peng duh hle a, bul khatah a

peng 30-50 a awm tlangpui a ni.

Hetianga Agriculture Mithiamte thurawn

anga uluk taka a enkawl avang hian hmun

hrang hranga buh natna avanga buh si leh buh

ro a tam em em laiin Pu Lalmalsawma chuan

Buh ṭin 950 lai a thar a, kum hmasa 2014 aiin

tin 400 laiin a thar hnem ta a ni. Ni kum 2015

khan Agriculture Department chuan Buh thar

CAU-R1, hlawk leh tui bawk si a lachhuak a,

loneitu tam tak hnenah a thlawnin a sem

chhuak a. A chin dan pawh uluk taka zirtir an

ni chungin a tam ber chuan buh chi

sawngbawl leh a venna lam an ngaihthah

avangin natnain a bei a, an thar chhiat phah

hle a, Department lam pawhin loneitute

hlawhchhamna hi pawi a ti hle a ni.

Pu Sawma ang hian uluk taka enkawl ni sela

chuan an hlawkpui ve ngei a rinawm a ni.

Pu Lalmalsawma chuan, ―Agriculture

Department-in min zirtirna hi a takin ka theih

chin chinah ka zawm a. A hlawkna pawh ka

hmu nghal zel a ni,‖ a ti. ―An mi zirtir ang

hian kum tinin ka ti tawh dawn a, a let deuh

thawa thar hlawk theih a nih avangin sim phal

chi a ni lo,‖ a ti bawk.

Tunah hian a leilet Hectare chanvea zauah

Green Manuring Demonstration ti turin a

inbuatsaih mek a, ni 18/4/2016 khan Daincha

chi pawh theh a ni tawh a ni.

Thlasik thlai

Buh seng zawh veleh aṭanga lei

buatsaih nghalin French Anṭam hectare

chanvea zauah a ching nghal a, Rs. 80,000/-

man lai a hralh tawh a, Thlasik thlaiah hian a

chi a hmuh theih dan angin Motor Chana

(Field Pea) leh French Anṭam a ching deuh

ber ṭhin a ni. Kel-ek Chana (Chick Pea)

erawh chu a hlawhtlinpui vak lo niin a hria.

o0O0o

Ar Lawm vrs Thikthu Chhia

Kungtea pawh khan ar a làwm lutuk a. Tlai khat chu zanriah buhfai thlak tur an lo nei si lo,

laklawh thilah tiin ]henawmte buhfai an pûk a, nu ber chaw chhum tur chu Kungtea chuan ar chaw tur

tiin a suak phai ta dawk mai a. Nu ber ngaihdan a ni ta lo! ―Kei aiin i ar ho i hmangaih zawk a nih hi!

Duh leh a pa nghawng bâl deuh khu zuk ngaizawng la, ‗a nu, no dam thei lo‘ i tih i tih khu nupuiah zuk

nei rawh. I neih chinah phei chuan fa pawh in dam zawk phian tur a sin,‖ tiin a âng ta hlawih hlawih

mai a! Kungtea tihngaihna hre lo chuan, ―Ran pawh thîkthu chhe tan chuan thîk tham an lo tling ve zel

a…..‖ a ti duh lek chauh a.

o0O0o

ZORAM LONEITU VOL. 59 NO. 6 : JANUARY – MARCH 2016

-14-

LONEITU DINCHHUAH NAN

OIL PALM CHIN

By MAHIOPEN

Mizoram

Mizoram Agriculture, Horticulture, Irrigation Pensioners Association (MAHIOPEN)

chuan kum tin General Conference vawi khat kan neih bakah Executive Committee Meeting-te

kan nei ṭhin a. Heng kan inhmuhkhawm chang hian Agriculture, Horticulture, Minor Irrigation

Director leh hotuten min ho ṭhin a, inhawng takin Department hmalaknate tlawhsak turte‘n min

sawmin kan mamawh tinreng kan lam ṭhin a, a lawmawm thei hle mai.

Agriculture (Crop Husbandry) Director ṭawngkam ṭha umin ni 23.3.2016 khan Khamrang

rama Oil Palm chinna hmunpui leh Tuichhuahen-a Oil Palm herna fang turin mi 9 kan chhuak a.

A hmun kan fan hma rengin keini retired officer, inhmukhawm ngai lo kalhote chu kan hlim hle

mai. Henga kalhote chu Pute Z. Dengngura, C. Lalniliana, R. Lalsangliana, Lalhmangaiha,

Daniela, T. Lalhmingthanga, R. Hranghrima, V.L. Rema leh Vanlalchhunga te kan ni.

Ruahman angin a chunga Agri/Horti Officer pensioner 9 te chu Sumo pahnihah thawl

nuam em emin Khamrang rama Tuitun zau kan pan ta a, Pu Tlangtimawia Zote, Insecticide

Analyst leh Field Officer 2-te chuan Bolero-in min hruai a.

Khamranga Tuitun zau kan han thleng chu Oil Palm Plantation zau zet mai leh a hmin

seng lai mekte kan hmuh chuan kan hlimin manhla kan ti hle. Hetiang hian a hnuaia huante hi

kan en :

Hming

Kung zat

Zau zawng

Kum khata lakluh zat

Lalthanzauva

3,000

12.00 Ha.

Rs.17,00,000.00

Hriatpuia

800

5.00 Ha.

Rs.10,00,000.00

Sentea

4,000

28.00 Ha.

Rs. 2,65,000.00

A chunga Oil Palm chingtute huan

neih zauzia leh thlai neih tam dan kan hmu a,

an Oil Palm rah kim lo chung pawha an kum

khat lakluh tamzia kan hmu thei. Tui pek

]hat chuan kum tluanin Oil Palm a rah thei tih

leh Oil Palm chu lawh veleh a khawla her

nghal tur tihte kan hriat dan a nih laiin kum

tluana seng reng theihin a rah thu kan hria.

Khawvel ram danga Oil Palm rah bawr khat

Kg. 25 laia rit te thar a nih thu min hrilh a,

chubakah a rah lawh hnuah ni hnih khat vel

hnua khawla an dah pawh a pawi loh dante an

sawi bawk. Chuvang chuan Oil Palm thlai hi

kan ram dinchhuah theihna tlaka thlai chin tur

dik ni ngeiin a lang.

Teirei kam Darlak phaia

Pu Ramtinchawma chuan kum khata cheng

nuai 19 lai a lei thu an sawi bawk.

Pu L. Tochhawng (Sentea) hian kung 4,000

lai a nei a, a zau kher mai. Tlawng zaua kung

ZORAM LONEITU VOL. 59 NO. 6 : JANUARY – MARCH 2016

-15-

2,000 a neihte chu an rah ṭan tawh a, a rah

thiar kai nan chuan Scooty Engine hmangin

Robe-way in Oil Palm rah chu Tlawng lui a

thiar kai ṭhin a, a hmangchang hriatthlak hle.

A nei tlem bera lang Pu Hriatpuiate nupa an

entawn tlak hle. Engmah lo aṭangin Oil Palm

huan hi an ṭan a, an thawhrimna leh teirei

peihna avangin huan neitu hlawhtling tak an

lo ni ta a ni. A thawh rah aṭangin Gypsy

pakhat leh 407 motor pakhat a nei tawh a ni.

Pu Hriatpuia chuan a ṭantira hlo tûr

(Glycel) a hman lutuk vanga hnim ṭo thei lo

leh leia rannung ṭangkai (Changpat) te a rem

vanga Oil Palm a thar hlawk loh dan a sawi a,

lei tiṭha tura kawlbahra leh thlai remchang

dang chin a tum mek dan a sawi.

Tuitun zau Oil Palm hmun chu tlan

sanin Bualpui-ah zing chaw tuihnai tak puar

taka kan ei hnuah Tuichhuahen-a Godrej Oil

Palm khawl kan en leh ta a.

Khawl lian zet mai niin fel taka hung a

ni a. Metalled Road kawngin a chhun raih a,

Gate pui luh veleh Motor chawpa bukna

(Weight Bridge) a awm a, buk a nih hnuah

Oil Palm rah bawr Fresh Fruit Bunch (FFB)

chu khawl tapchhakah chuan dah a nih hnuah

khawl kaah FFB chu barh a ni a. Chumi

chinah chuan kil hrang hranga nek sawr leh

thlei vel a nih hnuin a kawr hrawmhraw te, a

hriak sawrna fu te, a tleuhna tuichhia te leh a

hriak tak takte a hrang ṭheuhin a lo chhuak ta

ṭhin a ni. He khawl hi a lian ṭha hle mai,

Rs. 18,00,00,000/- lai senga din a ni. Kolasib

District-ah hian Oil Palm chingtute hi in 1850

lai nia chhinchhiah nimahse tuna khawl

chawmtu chu in 600 vel an ni. Kar tluana

khawl thawh tur an pe zo lo va, kar khatah ni

hnih thum chhung vel lek thawh tur a nei a,

nakumah chuan khawl chawm thei tawk Oil

Palm rah thar an inbeisei a ni.

Oil Palm khawl leh a hnathawh dan en

zawh hnua chawl hahdam chunga ei in kan

chan zawh hnuin Kolasib DAO Office kan

thleng a. Pu R. Lalnunzira, DAO leh a

thawhpuite nen Oil Palm chin chungchang

hmasawnna lam sawiin ei in tuihnai tak an

buatsaih chu chan pahin kan inkawm a, a

bengvarthlakin a lunglen thlak hle a ni.

Kolasib DAO Office chhuahsanin

Thingdawl Agriculture Rest House-ah ei leh

in tuihnai tak Farm Manager, Mana Samte-in

min lo buatsaihsak chu kan chan hnuah

Changpat hmanga leiṭha siamna hmunpui

(Vermi culture) leh model Oil Palm

Plantation min entir a. Ni tin maia chawl lova

Agriculture Department-in hma a lak chhoh

zel dan a tifiahin a hmuhnawm hle a ni.

Zan dar 7:00 a lo hnai a, zanriah

tuihnai tak ruahman sa chu kan ei a, tluang

takin zan dar 9:00-ah Aizawl kan thleng ta a

ni.

Sawi duh zawng zawng kan sawi seng

lo na‘ngin Oil Palm chinna hmun leh a herna

khawl kan hmuh aṭanga loneitute hriat atana

ṭha chu –

1. Oil Palm thlai chin hi Mizo loneitute

dinhmun tisang theitu thlai awmchhun

zinga pakhat a ni. A chhan chu :

a) Kan ram leilung leh boruak a ngeih.

b) Hralhna engtik lai pawhin a awm

reng.

2. Oil Palm chingtute tan Oil Palm phun

inkar hlat zawng te, a chi thlan

chungchangah te, a phunna hmun san

ZORAM LONEITU VOL. 59 NO. 6 : JANUARY – MARCH 2016

-16-

zawng te, hlo/thlai hrik thahna

damdawi hman chungchangah te

Agriculture mithiam (Department mi

te) thu ngaihchana zawm tur.

Lawmthu Sawina :

Oil Palm chinna hmun leh a herna

khawl fang leh hmu theia min siamtu

Agriculture Director Dr. C. Lalzarliana leh a

thawhpuite chungah lawmthu kan sawi a.

Hetiang keini pensioner, mi dang hnawm let

theitu pawh ni tawh lo, duat tak leh nuam taka

min enkawl a, kan hmuh chak zawng leh

Zoram hmasawnna kal mek min hmuhtir hi

lawmawm kan ti tak meuh a ni. Kan

hrehawm hlaua Sumo pahnih leh hruaitu

Officer Special tak, Pu Tlangtimawia leh a

naute min ruahmansak avangin kan lawm a,

anni hian dimdawi takin min hruai a, kan

hrehawm ang tih hlaua ei leh in tuihnai takte

min pek avangin kan lawm a ni. Tuitun zau

huan neitute, Oil Palm khawlpui enkawltute,

Thingdawl Farm Manager leh

Pu R. Lalnunzira, DAO te min lo dawnsawn

dante kha an tilawmawmin sawi hmaih theih

rual a ni lo‘nge.

o0O0o

Hre Sual Mangang

―Lalpa,‖ tih thawm hi Kungtea chuan a hria a, “Ţawngṭai an awm a ni maw!” a ti nghal

mai a. Mahse, lehlam aṭanga ―Eih‖ tih thawm a hriat leh chuan a tibuai ta tlat mai. “E he, he

laiah hian lal an awm nge ni ang a, Lalpa (Pathian) hi a lo kal leh tawh reng zawk le?” tiin a

inngaihtuah buai nasa ta mai a. An ṭhenawmte Ar a phil ruk te, lo lamah ni se, an rite thlai a

sengpui tak mai mai te, ṭhiante thang awk a lo laksak tak mai maite a ngaihtuah chhuak uai uai

a, a rilru a hrehawm hle mai a. ―Lalpazarzo, lo kal vat la, kuhva min va lei teh!‖ tih ri a hriat leh

chuan a thaw ta huai a.

o0O0o

ZORAM LONEITU VOL. 59 NO. 6 : JANUARY – MARCH 2016

-17-

AGRICULTURE MARKETING

MIZORAM TAN

Lalthanzuala, A.M.I

Directorate of Agriculture

Post Graduate Diploma Course, Agricultural Marketing Subject Train turin Agriculture

Department-in Directorate of Marketing & Inspection, Branch Head Office, Nagpur-ah min tir

a. Hei hi Ministry of Agriculture & Rural Development hnuaia mi a ni a. An Headquarters

Faridabad-ah a awm. Nagpur-ah hian training-na hmun an nei a, hei hi Post Graduate Inservice

Official-te tan India rama Diploma Course lakna awm chhun a ni. Asia-ah pawh a ṭha bera sawi

a ni.

Marketing lam han sawi takah chuan

Production lam hlamchhiah palh a awl duh

mai awm e. Marketing infrastructure nei

mumal lova production uar ringawt mai chu a

kawngbo viau mai thei. Mahse, tharchhuah

nei si lo chuan Marketing lam chu sawithu a

cheng si lovang. Tun aṭang chuan Marketing

hian hma hruai se, production hian zui ve

thung tawh se, kan thlai tharte sum leh paiah

kan chan mai ni lovin, ṭhenawm khawveng

leh ramin hma a sawnpui zawk ang.

Kan duh a thuin a thar lamah hi chuan

harsatna vak kan nei tawh lo, thar tam theihna

khawpin Radio-ah te, Mizoram Loneituah leh

thildang hmangin kan puang bawk ṭhin.

Chubakah, rawn mai theihin kan mithiamte

hmun tinah an inzar pharh bawk a. Kan ram

leilung leh boruak a ṭha bawk si.

Marketing-a hma kan sawn hma chuan

thar tam a sawt tak tak thei lova, thar tam

ngawtin mahni pawh kan intum thei chuang

lovang.

Thlaithartu leh chutiang lama

sumdawngten hlawk zawka sum an hui theih

nana thil pawimawh tlem tlemin i han sawi

dawn teh ang. Chipchiar zawkin kan la sawi

leh ṭhin ang. Heng kan neih loh avang hian

kan thlaite sum leh paiah kan chantir thei lo a

ni.

Loneitu, Huanneitu leh thlai lama

sumdawngten hlawk zawka sum an hui theih

nana thil pawimawh thlem tlemin i han sawi

dawn teh ang.

1. Transport leh Communication thiar

velna : Sawi tawh angin thar lamah

harsatna kan tawk lem lova, kan tharte

phai lama thiar zung zung emaw,

thingtlang aṭanga khawpui lam thawn

tur te, thingtlanga thawnchhuak tur leh

rang zawka tumna hmun kan thlen

theih nan intlawhpawhna kawng ṭha

leh a phurtu ṭha leh tam zawk hi kan

mamawh a ni. Agricultural thil tharte

hi chu thil chhe awl, dimdawih ngai

tak tak an ni si a.

ZORAM LONEITU VOL. 59 NO. 6 : JANUARY – MARCH 2016

-18-

Hralh tlak thlai : Sumdawn nan kan ti tak

tak dawn a nih chuan a ―Ţha chi‖ ngei chin a,

a ṭha chi ngei siam tur a ni. He tah hian

Department lamin hma la se, chu chu lo leh

huan neituten an tan a nihzia hriain ngaihven

rang se. Tunah pawh Loneitu leh huan neitu

tan tih tur a tam tawk.

2. Industry/Processing Unit : A siamna

khawl hi kan mamawh hmasa bawk.

A hel, a nih ang anga hralh tum reng

mai hi a hlui ta. State ṭhanglai kan ni

bawk a, Industry lian a nih loh pawhin

Cottage Industry ang lek pawhin hma

la ṭan ila. Tichuan, hralh a nuam deuh

ang.

3. Regulation of Market : Market

hmasawn tur chuan regular hi tihmak-

mawh a ni. Mi tam ber chuan kan la

hre lovang. Sawrkar enkawl bazar,

sawrkar thu thua khalh a ni. Bazar

man pawh a awm a, luh man a awm.

Zawrh tur neiin Commission Agent

hnenah an pe a, vil ngai lovin a man an

tel mai tawh a ni. Hralh dan chi hrang

hrang, lilam leh Tender-ten an ti ber,

Kum 1983-84 khan India ramah 5579

a awm tawh.

4. Quality Control : (Grading and

Standard zel) A ṭha leh ṭha lote thliar a,

a ṭhat dan anga a man pawh chhiar

mai. A ṭha chi, a laihawl, a chhe chi

(e.g. Grade A,B,C) angte hi. A chhia

leh a ṭha dahkhawm vak ringawt chuan

a chhiain a man a hnuk hniam. Hei hi

thil ]ul ber hralhtu tana ṭha si, leitu tan

a ngaihṭhat thlak bawk si a ni.

Reproduced from Zoram Loneitu Vol 19 (September-October, 1987)

(A ziaktu Pu Lalthanzuala hian tunah hian

Deputy Director (Agronomy) hna chelh mekin

Directorate of Agriculture (Crop Husbandry)-ah a awm - Editor)

o0O0o

Ponyo Rep!

Kungtea te KŢP ve lai khan Nghathu zuarin sum an tuak a,

―Nghathu lei ve rawh u,‖ han tih kha a inthlahrung deuh si a.

―Ponyo rep lei ve rawh u,‖ a‘n ti chiah mai chu, an inchuh zo

rang kher a sin!

o0O0o

ZORAM LONEITU VOL. 59 NO. 6 : JANUARY – MARCH 2016

-19-

Lei Chara

Ruah Mal Far

Excerpt from Reader‟s Digest

December, 2015 issue

By James Vanlalluaia, MAS

Deputy Director (Extension)

Lemchan thiam Nana Patekar-an Maharashtra-a loneitute hnenah beiseina a thlen.

He lemchan thiampa hi mi mak danglam leh mi ngawichawi tak niin vantlang ngaihsakna

chuan amahah hmun a luah tam hle a. Vantlang tana a thil ṭha tih chuan thawm a nei ringin a

chanchin pawh a darh zau hle a ni. Hetiang mi, Bollywood filmstar-te zinga mi tlemte te zinga

pakhat chu Nana Patekar a ni. Film naran leh hlawhtling tak (blockbuster)-a chang ṭhin, tun

January 2016-a kum 65 tling ta, kum 10 tel teh meuh langsar lo taka vantlang tana thil ṭha ti a, a

hlawh aṭanga mi harsate tana sum dah khawl ṭhin chu ni kum August 2015 khan amah ngeiin

Maharastra State-a khawkhengin a tihbuaina hmun a tlawh a. Khawkheng avanga loneitu tam

tak intihhlumna hmunte chu National Crime Bureau chhinchhiah danin loneitu intihlum 5,650

aṭanga 45% zelte hi Maharastra State-a mite an ni a. Hetiang hawia a chetchhuah aṭang hian

beisei loh takin a thil tih chu a alh chhuak ta hluai mai a, ṭanpuina thawh duhtute tan ‘Naam

Foundation’ a din a. He pawl hian vawiin niah chuan mi inpe (volunteers) tam tak a nei a,

expert advisor leh pawl sum vaibelchhe 12 leh nuai 50 a nei der tawh a ni.

Amah Patekara hi retheihnaah hian a

mikhual lo hle a. Maharashtra tuipui kam

khaw tereuhte Murud-Janjira, Raigad District-

ah lo piangin a pa sumdawnna a tlakchhiat

hnuah hna hram chi hrang hrang thawk kualin

a awm ṭhin a. Kum 1962-ah Mumbai-ah a

pem a, Sir J. J School of Art-ah Commercial

Degree a bei a. Marathi Theatre-ah a tui hle

mai a, Hindi film-a a inlanna hmasa ber chu

Muzaffar Ali-a film siam Gaman (1978) a ni.

Hemi aṭanga kum riat a ral hnuah N. Chandra

film siam Ankush-ah, Marathi ṭhalai hna nei

lo anga a channa aṭangin mite hriat a hlawh

chauh a. Kum 1989-ah Vidhu Vinod Chopra

film Parinda a chan aṭangin a lo larchhuak ta

a ni. He film-a misual lem a channa hian a

vawrh sangin National Award a dawn phah a,

a hnu leh zela a film chante pawh Parinda

Film ang zulzuia changin – mak tak, bawnra

leh hriatthiam har tak anga a lannate chuan a

lar a belhchhah zual zel a ni.

A mimal nunah chuan Patekar-a mizia

hi thil inkalh tak tak hlawmkhawm tiin a

sawi theih a. Tehkhin nan mimal takin

khawtlang leh Politics-a thil ṭha lo awmte a

huat em em laiin Politician tam takte chu a

ṭhian an ni lawi bawk si a. Mi hnuaihnung

leh harsa zawkte a khawngaih em em laiin

thinrim takin an hmakhua a ngai bawk ṭhin a.

Bal Thackeray leh Baba Amte te hi a

ngaisang em em mai a ni.

Patekar-a hi Pune-a a in, pangngai tak

leh a chhung bungrua naran ve takah ka va

tlawh ṭumin thil chhut zui ngai tak leh

nihphung pangngai lo takin a lo ṭawng a.

Thingpui min pek chu ka hnar a, chutah film-

a a ṭawng dan niawm takin, ―In rawh, a

ZORAM LONEITU VOL. 59 NO. 6 : JANUARY – MARCH 2016

-20-

thlawn a nih kha,‖ a han ti a. Hemi ṭum hian

Hindi, Marathi leh English ṭawng

chawhpawlhin a ]awng ber a, hetiang hian

kan inkawm a –

“Kum tin mai hian loneitu intihlum

hriat tur an awm reng mai a. Eng ber hian

nge an thlavang hauhtir che?”

―Nia, an intihlum zel a, chutih lai

chuan ngawi rengin ka lo ṭhu mai mai a tih

theih awm e. Eng emaw chen hnuah chuan

ka ngeng a chhun ta tlat mai a. Car thar lei

nan sum ka khawl a, chutih laiin loneitute

pawisa tlemte avangin an lo intihlum mek

bawk si a. Tichuan, ka ṭhian lemchan thiam

Makarand Anaspure, khawkhenna hmun Beed

District-a khawsa ṭhin chu a sum leh paite

heng loneitu intihlum chhungkuate

chhawmdawl nana pe turin ka sawm a, chu te

mai chu a ni e. Hemi chungchangah hian

inrawlh thuk ka tum lo. Mahse, Makarand-a

chuan chung sumte chu keimah nen ngei kal

duna sem turin min phut ta tlat mai a. Hreh

tak chungin ‗Vawi khat chauh chu ka‘n kalpui

teh ang‘ ti chungin ka zui ta a.

Amaherawhchu, Beed kan thlen chuan an

pasalte intihhlum avanga hmeithaite mit ngeia

han hmuh meuh chuan min timangang ta hle

mai a. Chumi aṭang chiah chuan ka dam

chhungin he hna hi ka chhunzawm tur thil a

ni tih ka chiang ta hle a ni.‖

―Chanchinbu miten an han puanzar

meuh chuan mi inphal leh ṭanpuitu turte chu a

maka maka tam an lo pungkhawm nghal a.

Keima mimala cheng vaibelchhe khat leh a

chanve pek ka lo tum ve chu a let tam takin a

lo pung ta a. Ţanpuina pawisa a rawn lut ruih

ruih a, keini chuan kan thawh ve pawh a ngai

ta lo hial a. Postman hna kan thawk a ni

ringawt mai. Cheque kan lakhawm a, kan

sem leh ringawt a ni mai.‖

“Mipui lam aṭangin ṭawiawmna ṭha

tak in dawng tih hi a dik em?”

―Teh reng mai. Pune-a thingpui dawr

nghakin cheng sanghnih a thawh a, kutdawh

pakhatin khawkhenna hmuna mi ka nih

avangin tiin cheng zathum a thawh a, Pune-a

ka inluahtu Driver-ten cheng sangruk an

thawhkhawm bawk a. Mi hausa deuh Jungal

Kishore Tapadia, ]hian hluiin Aurangabad-ah

Office atan 4,000 sq. ft. leh ram 20 acre a zau,

Counseling Centre atan min pe a. Pune-a

Contractor lian Vikas Bhalero-a‘n Ferguson

Road-ah Office lian tak pahnih min pe bawk

a. Kei ve chuan Corporate-a Chief Executive

Officer-te ka be rawn a, chung mite chu Nana

Patekar-a film chan pahnih khat emaw lo en

ve tawhte an ni a. Kei chuan, „Ţhiante u, hei

hi kan mamawh tak chu a ni. Dan ang taka

min tihsak theih chuan khawngaihin min pe

rawh u,‟ tiin ka ngen a. Tute mai pawh chu

kan lamah an ṭang ti ila a sual awm lo ve,

sorkar hnathawk lian (bureaucrats) aṭanga

politician thlengin. Ka dinhmun hi ka

hrechiang a, khawfing chu a chat tur a ni,

Arpa chu tute tan nge a khuan ang tih kan en

ang chu (a nui hak a).‖

“NGO te hian heng loneitute

harsatna, tehkhin nan tui lak, loneih aṭanga

tharchhuah hralhna tur emaw,

kharchhawngte nena direct-a tharchhuah

hralhna tur Bazar angte hi?”

―Chungte pawh chu kan hmachhawp a

ni a. Cheng singkhat leh sangnga hman ral

chhung hi taksa hliam a band-aid bel chhung

anga rei lo a ni a. An ṭhatpui tak tak turin

khaw eng emaw zatte hi enkawl tawp kan tum

a. Hna thawh tur kawhhmuh te, lusun

ZORAM LONEITU VOL. 59 NO. 6 : JANUARY – MARCH 2016

-21-

chhungkua aṭanga naupangte zirna tur

ngaihtuahsak te….. Dik tak chuan Mahatma

Gandhi Mission hnuaia Jawaharlal Nehru

Engineering College, Aurangabad-a miin

chutiang chhungkua aṭanga naupangte zirna

tur seat 10 pek min tiam a. Kan

ngaihpawimawh ber chu chung khuate chuan

duh tawka hman tur tui an neih theih nan hna

kan thawk mek a, hei hi an thil mamawh ber

chu a ni.‖

Dr. Arvinash Paul, Ha Doctor, kum 18

lai chung hmun harsaa lo thawk ve tawh chu

tunah chuan Naam Foundation-a hruaitu

pakhat (trustee) hial a lo ni ta a. A thil

ngaihven zawng chu tuihna kangchat tawh

tuaithar leh te, ruahtui khawlkhawm te leh

khaw inkalpawhna lam te a ni a, chutiang

tihlawhtling tur chuan a khaw miten an hriat

loh Sorkar Scheme hrang hrang hmang

]angkaiin training a pe a. Nana Patekar hi a

ngaisang hle a, a hmingthanna avangin mi

tam takin he thil hian ngaihven a hlawh phah

a. ―Tunah chuan khaw miten beiseina thar an

nei ta, nitin mai hian ṭanpui duhtu mi 50

aṭanga 60 te hnen atangin phone call ka

dawng ziah a ni,‖ tiin a sawi.

Dr. Paul-a bakah hian Naam

Foundation hian mi ropui tak tak ṭanpuina a

dawng reng a. Chung zinga mi chu Popatrao

Pawar, Hirare Bazar-a Sarpanch lo ni tawh te,

Radhesshyam Gomla, ama awmna khua,

Gomla, Haryana State-a a ṭha zawnga thil ṭha

lo thlen tawh, kum 2008-a President Pratibha

Patel-in chawimawna a lo hlan tawhte an ni

hlawm a. Patekar pawhin heng mite hi

Pasalṭha dik tak an ni e a lo tih hialte an ni.

“A ropui hle mai. Amaherawhchu,

chung loneitute harsatna chu Sorkar Corrupt

tak hian a ngaihsak lohna hi hailan a ni si lo

va, engtin nge i hmachhawn ang?”

―A dik chiah a lawm. Heng

beneficiaries-te hnenah hian cheng sawm

zelah pawisa sawmnga (duli) vel chauh a

thleng ]hin a. Engmah tithei lo mah ila

politician-hote hi a kualkhung chhungah

hnuhluh kan tum a ni. Mi tam takin min rawn

hmu tawh a, eng party-ah nge an awm hriat

ka tum ngai lo. Hei hi i bial chhunga thil

thleng a ni a, he harsatna chinfel nan hian

cheng nuai 85 kan mamawh dawn a, eng zatin

nge i ṭan ve ang? tiin ka zawt ṭhin a. Cheng

nuai 25 tia min chhan chuan ti hian ka hrilh

ṭhin, „Chalo, na mera, na aap ka (Kal mai

teh, ka ta an ni lo va, i ta pawh an ni bik lo)‟

ka ti ṭhin. Cheng nuai sawmthum panga min

pe rawh ka ti ṭhin.‖

“Mak ang reng takin Party tin aṭangin

politician

]

hiante i nei a, chung mite rorel dik

lo avanga he harsatna lo thleng ta hi siamṭhat

i tum chu a nih hmel si a le!”

―Mimal anga ka ṭhiante an ni lo va,

politician-te chu eng emaw i dil loh chhung

chuan i ṭhiante an ni ang a, anmahnia beisei i

neih aṭang chiahin nangmahah beisei let an

nei nghal ang. Amaherawhchu, mipui ṭanpui

theitu hnenah an tan thil i beisei chuan a

pawina a awm em ni? Hemiah hian chiang

takin Sorkar inrawlhtir kan tum a, Sorkar

chauhin thil a tih theih ang chite a awm a,

chung chu keinin kan ti thei lo a ni.‖

Kishore Tiwari, loneitu Vidarbha Jan

Andolan Samiti hruaitu, Maharashtra Sorkar

nena thawk dun chuan Patekar-a ngaihdan a

]awmpui a, Patekar-a hmalakna hi Sorkarin

hun rei tak atana hma a lakna tur ni lo mahse,

Sorkar chu mipuite ngaihsak tura karfung ]ha

ZORAM LONEITU VOL. 59 NO. 6 : JANUARY – MARCH 2016

-22-

tak a ni tih chu a ngaihdan a ni a. Tiwari

chuan, ―Sorkarin Patekar-a rawtna tam takte

hi a takin a bawhzui tawh a ni,‖ a ti a. A thil

tih hi mi tam takin an hre pung zel a ni.

Naam Foundation Charity-a

beneficiary pakhat Jyoti Morale, kum 35, a

pasal Mahadev, Beed-a loneitu thla ruk kaltaa

mahni intihhlum avanga hmeithai lo ni ta a

awm a. Amah leh a fate pathum enkawl tura

hnutchhiah chuan a vanduaina chungchang

mittui nen ti hian a sawi a, ―Nana leh

Makarand Sab-ten Rs.13,200/- August thla

khan min pe a. Chu chuan min chhawk hle a.

Ani chu tihian ka hrilh a, „Pawisa aiin

hnathawh tur ka mamawh zawk‟ tiin. Chutah

Makarand Sab chuan ka hna tur min zawnsak

ta nghal a ni.

“Mi dang ṭanpui hi engtia duh teh tlat

nge i nih? I puangzar bawk si lo va.”

―A ṭha e. Chhungkaw rethei tak

aṭanga lo seilian ka ni a. Kum 13 ka nihin

thla khata Rs. 35/- hlawhin leh ni khata chaw

vawi khat ei theiin milem ka ziak ṭhin a.

College ka kal laiin Rs. 15/- hlawhin Zebra

Crossing rawng ka hnawih ṭhin a. Thil ropui

tak chu a ni lo na‘ngin heng mi harsate nen

hian kan inzawm tlatin ka hria a, an natnate

chu ka natna a lo ni ve ta a ni. Ka puanzar

ngai loh chhan chu tihian kan sawi ang e.

Mite chuan Diwali laiin hal mawi te an lei a,

kei atan chuan mamawhtute ka ṭanpui hi ka

Diwali ve a ni e. Anmahni ]anpui hian

rilruah min tilawm a ni.‖

“I film channa thawnthute hi i

ngaihtuahna nen a inmil viau zel a. Hmanah

khan ti hian i sawi a, tunlai khawvel dinhmun

ang zelin i channa tur roll hi i thlang

]

hin tih

hi?”

―A dik chiah a lawm, nitin chanchinbu

a]anga thinrimna tur leh thaw-ipikna tam tak i

hmuh aṭangte hian intihthawlna tur kan

mamawh reng a ni.‖

“Hemi chungchangah hian Krantiveer

i sawi lang zauh va?”

―Krantiveer film kha kum 1992-93 a

Mumbai buaina behchhana siam a ni a. Kha

buaina nen khan mimal taka kan inzawm

avangin ka chang a ni. Buai lai khan Curfew

karah ka Jeep-in ka tlan kual a, mipuite ka

hmachhawn a. Politician ṭul miah lova min

fuihpawrhtuten min hruai sual a ni tiin ka

hrilh ṭhin. Chutih laia ka rilrua min

tihrehawmtu chu chungte chu an ni.‖

“I chhanna hi a inkalh deuh. Bal

Thacheray nen hian in inhnaih viau lawi si

a?”

―Bal saheb hi ka ngaina, tun thlengin

ka pa ang mai a ni. Ka naupan laiin Marmik-

a cartoon-te kha ka ngaina a. Mi ngainatawm

tak, mi hneh thei, thusawi thiam leh fiamthu

duh tak a ni a. Amah ka ngainatnaah hian

politics leh Shiv Sena engmah a inrawlh lo.

Amah nen kan sawi dun zawng zawngte kha

ka puangzar thiang lova, chu chuan ama

ngaihdan ka kalh ngai lo tihna a ni chuang lo.

Ama ngaihdan apiang kha ṭawmpui ta ila eng

vangin nge Shiv Sena hi ka zawm loh vang.

Chumi avang chuan sawmna tam tak ka hmuh

angin engah nge politics-ah ka zuan luh loh

vang. A chhan chu mahni inkiltawih leh

dawihzep thuthlung te hi ka ṭawmpui loh

vang a ni. Hemi kawngah hian ka bil hle a,

politics hi zawm ta ang ila, a tukah party

aṭangin min pet chhuak leh nghal ang.‖

ZORAM LONEITU VOL. 59 NO. 6 : JANUARY – MARCH 2016

-23-

―Baba Amte pawh kha i pa ang mai a

ni lawm ni?”

―Anandwa‘n phar enkawlna a din ka

va thawh ve ṭum khan kum 23 mi ka ni a.

Chuta ṭang chuan chhungkhat kan ni ta a. Ka

harsatnate ka thlen ṭhin a. Baba Amte kha

social worker chauh a ni lova, journalist, film

critics, wrestler leh dan hremi (lawyer) a ni

bawk a. Nun dan mawi tam tak a nei a, amah

ang nih ve hi ka duh a ni.‖

―Marathi lemchangtu hlun

Damukankre nen in inhnaih viau tih ka hria

a?”

―Ani kha ka min ngaihsan leh zah em

em a ni a. Damukankre kha J.J. a kan

Professor a ni a. Ka zirna atan fee leh ṭuldang

min tumsak a, Rs. 750/- chauh a ni a, tam lo

mahse, vawiin ni thleng hian mite hnenah ka

la rul lo tih ka sawi ṭhin. A chhan chu mi kan

ngaihsan deuhte nena inzawmna ni tlatin ka

hria.‖

Mi hrang Amte leh Kankre angte hi

Patekara nunkawng hruaitu an nih ngai chuan

politics a ngaihdante hi a tet lai aṭanga a

pawm dan nghet tak lo zichhuak niin chumi

mil chuan film a chang ta ṭhin a ni. Hindu leh

Muslim thliar hrang tlat, chhungril

ngaihtuahna puakchhuak chuan he thu ―Yeh

Musalman ka khoon, yeh Hindu ka khoon

(hei hi Musalman-te thisen, hei hi Hindu-te

thisen) tiin Krantiveer film-ah a lo lang

chhuak ta a ni. A thawnthu hi ama ziah ngei

a ni.

―Bolywood filmstar ṭhenkhatte ep

zawnga i din hian a tilungngai lo che em ni?”

―Aih, a chhan chu film industry-ah

hian dam khawchhuah loh hi ka pawi ti lo.

Naktukah film chang lo ta ila, chu chuan

danglamna min siam lovang. Keiman theatre

hran ka siam mai ang. Chung zawng ai chuan

thlamuang taka muthilhte hi ka lungkham

zawk a….. chungte chu kei Nana leh Nana te

hi chhungrila ka inremloh chuan engtin nge a

thlen theih ang. Ka chhungrila Nana hi hlim

takin ka awmtir tur a ni ang.

―Taka, i hming tak hi eng nge?”

―Vishwanath. Ka nu ṭhianten Nana

tiin min ko ṭhin a, ka pu hlen ta a ni. Ka

passport-ah pawh chutiang zelin.‖

―Zawhna tawp ber. Hming phuah

chungchang…. Engah nge Naam Foundation

tih kher hi?”

―Naam chu Marathi ]awng

Sandalwood diak, Warkaris Marathi thlarau

miten an chala an hnawih ṭhin a ni a, chu

chuan entir a nei. A awmzia chu kan thil tih

tawh reng rengte chu kan thih hma loh zawng

kan chhunzawm reng ang tia chhechhamna

ang deuh a ni.‖

A Bitter Harvest (A kha zawnga rah seng)

Agriculture Sector hi India rama

eizawnna tam ber a la ni a, thingtlang mi 58%

te chuan eizawn nan an la hmang a, chuti

chung chuan kum 1990 bul aṭang khan

chanchin tharah loneitu mahni intihlum

(suicide) a lang ta zauh zauh a. Sorkar data

aṭanga a lan danin kum 2011 khan loneitu

14,000 an intihlum a, hei hi ram puma mahni

intihlum dangte aiin 47% in a sang zawk a ni.

A nihna takah chuan kum 1995 aṭanga sorkar

record-a a lan danin loneitu mi 3,00,000 deuh

thawte chu kum 2014 thleng khan an intihlum

a ni.

ZORAM LONEITU VOL. 59 NO. 6 : JANUARY – MARCH 2016

-24-

He dinhmun hi a rapthlak a, a lan dan

ngawt ai hian a nasa thei zawk bawk a ni.

British medical journal The Lancet chuan

India rama suicide figure-te hi report a kim

chang lo niin a tarlang. ―Everybody loves a

good drought‖ lehkhabu ziaktu P. Sainath,

Journalist chuan State Sorkar ṭhenkhat leh UT

te chuan loneitu mahni intihlumte hi ‗zero

(bial)‘ angin an puang a. Hei hi changing the

methodology of the National Crime Record

Bureau (NCRB) chuan a nemnghet a ni. Kum

2014 khan Sainath-a chuan ti hian a hrilhfiah

a. ―NCRB-in a thil bithliah dan tidanglamin

loneitu intihlumte chu chhiar dan hrangin a

dah a, chu chuan official record a tihniam ta a

ni‖ tiin. Tehkhin nan Karnataka State-ah kum

2014 khan loneitu intihlum mi 321 record a ni

a, chu chu a hma kuma loneitu 1,403 aṭanga

nasa taka record tlak hniamna a ni. Mi

]henkhatte chuan a nihna takah chuan

intihlum rate hi 245% in a pung niin an sawi

thung a. Hetiang hi a ruala thil awm thei

(coincidence) a ni thei dawn em ni? Ni love,

tum lawk renga ruahmanna fel tak lo siam

lawk vang a ni.

— Devam Kanal

o0O0o

Nula rim tur vang!

Kungtea te tlangval ve lai chuan nula rim tur hi an vang lutuk a,

Uisathiam nen nula rim tur an zawng ]hin vel!

o0O0o

Fapa Neih Chak

Tlangval senior Kungtea pawh khan fapa neih a châk lutuk a, a chî kha khaini burah a thun a,

kawnga lirh pahin, ―Mama, kal chhet chhet,‖ a ti vel. Kut a la bêng thak thak zui!

o0O0o

ZORAM LONEITU VOL. 59 NO. 6 : JANUARY – MARCH 2016

-25-

PEST SURVEILLANCE

NICRA ZULZUIIN

J. Rokima, MAS

Deputy Director (Plant Protection),

Directorate of Agriculture (CH),

Mizoram; Aizawl

Kum danga kan lo tih ṭhin danah chuan Pest Surveillance hi loneitute thlawhlaiah kalin

buh leh bal thlai natnate leh a eichhetute a hmunah enfiahin a ven dante a ṭul anga chawhin leh

loneitute kawmin Zoram dung leh vang kan fang kual ṭhin kha a ni a. Tunah erawh chuan

rannung thahna hlote hi District tinah kan kawl tak avang leh District khawpui tinah Licence

neia zuar (Valid Licence Holder) kan lo neih tak avangin District tinah Agriculture Department-

a mithiamte rawn theihin kan awm ta bawk nen, hmun hrang hranga kal kual ṭhin kha kan ti ta

meuh lo; ṭul bik thilah chuan mamawh dan a zirin feh chhuah chu a la ni tho a. Hetianga kan

feh chhuah hian kan thlai natnate leh a eichhetuten Economic Threshold Level (ETL) an pel em

tihte enfiah a ni tlangpui a, chutiang chuan hmalak dan tur kan rel mai ṭhin. Entirna tlema zawng

han thai lang ila -

Kan buh chinna hmunah:

 Buh kûina hmun square meter khat

huamchhungah rannung 1-2 a lo awmin.

 Buh phun hnuah buh hnah 2 aia tam

Buhhnahkhawrin a tih chhiatin leh

Katnelh 5 aṭanga 10 thleng buh bi khata a

awmin.

 Buh kung khertuin buh bi khatah 10% aia

tam a tihchhiatin.

 Buh tulzum ṭantirhah buh hnah ro/buh

kung râu 5-10% buh bi khatah a awmin.

 Buh bi khata Katnelh 15-20 a awmin.

 Buh vuih hunah buh bi khata Katnelh 25-

30 a awmin.

Hei bakah hian kan thlai eichhetuin a

tihchhiat dan azira damdawi chawh dan chi

hrang hrang a awm bawk.

Tih Dan Thar:

Nikum aṭang khan Agriculture

Department-in kan thlai chi lakte hi kan ram

leilung, sik leh sain a mil em? Eichhetu

rannung lakah eng nge a dinhmun? A chin

chhunzawm zel tlak em? Kan thlai chin tawh

ṭhin (local variety) te nen eng nge an

danglamna? tiin district hrang hranga Officer

leh staff-te nen ṭangkawpin hma kan la ṭan a.

Tuna kan hman mek National Initiative on

Climate Resilient Agriculture (NICRA) hi sik

leh sa inthlak danglam thut thut (climate

change)-in a nghawng kan buh leh thlai

eichhetu rannung lo pung thar zelte chu

zirchian leh a ven dan ruahmanna a ni ta ber

a, chu programme chu nikum chhung khan

Kolasib, Serchhip leh Champhai District

chhunga khaw hrang hranga WRC zau hrang

hrangah buh phun ṭantirh aṭangin buh seng

thlengin Pest Surveillance and Monitoring

ZORAM LONEITU VOL. 59 NO. 6 : JANUARY – MARCH 2016

-26-

Programme chu kalpui a ni ta a ni. A tir

aṭangin chipchiar takin plot (protected and

unprotected fixed plot) siamin buh ṭin khat

hmun zelah feet 3-a zau bial nga zel siamin,

chuta buh bi li chu a mal te tein buh hnah zat

te, a kung zat te, buh bi kar hlat zawng te, buh

eichhetu rannung awm zat te, a hnah him leh

him loh, engin nge tichhia tihte leh endikna

tam tak hmanga kumtluana endik a ni a.

Chung enfiahna chu chipchiar takin proforma

5 chhungah chhinchhiah niin khaikhawm a ni

leh a. Chuta ṭang chuan kan Buh chin

dinhmun chipchiar chu kan hre thei ta a ni.

Tunah hian NICRA programme zulzuia

District 3 chhunga zirchianna tlangpui chauh

han tarlang ila.

Kolasib District (Agro-climatic zone-

Humid-mild-tropical zone, longtitude 92°45,

Latitude-24°12, Altitude – 622m):

Kolasib District-ah hian ram ṭin 20 hmunah

survey hi neih niin khaw 5 huam chhungah

plot 20 siamin observation hi neih a ni. Zau

hrang hrang survey report aṭanga a lan danin

Buhchangphai leh Bukvannei phaiah chuan

buh eichhetu rannung a hluar em em loh

avang leh a ram leilung sik leh sain a zir

vangin local variety leh CAU-R1 hi a hlawk

hle nia hriat a ni a. Chutih laiin Tuichhuahen,

Saihapui leh Chilui, Mautuilui phaiah te

chuan a hlawk lem lo, a chhan nia lang ber

chu leilet buh chinna tui paih kang theih loh

avanga buh hnah khawr leh natna dangin a

tlakbuak vang leh a hun taka damdawia

enkawl a nih ṭhin loh vang a ni ber. Kolasib

District-a Tuichhuahen, Bukvannei,

Buhchangphai, Mautui lui, Saihapui-ah te

hian an buh chin tlangpuite chu CAU-R1,

Masuri, Ranjit, Aizong te leh local variety

hrang hrang a ni a, chung buh chinna hmunah

chuan buh tichhetu rannung lar zualte chu

Leaf folder, Stem borer, Yellow hairy

caterpillar, Grass hopper, Gundhi bug, Rice

hispa, Brown plant hopper leh Caseworm te

an ni a, buh natnaah chuan Leaf Blast,

Bacterial Leaf Blight leh False Smut a ni

tlangpui.

Serchhip District (Agro Climatic zone-

Humid sub-tropical hill, latitude 23°,

Longtitude-92°46, Altitude-760m):

Serchhip District-ah hian zau hrang hrang 10

observation neiin ]in 53 hmunah plot 58 siam

a ni a. Chuta ṭanga kan hmuhchhuah

tlangpuite chu Leaf folder, Leaf hopper,

Yellow hairy caterpillar, Rice horned

caterpillar, Caseworm, Blast – Leaf Blast,

Sheath blight, Sheath rot a hluar ber a,

CAU-R1 hi kum hmasa lama chin a nih loh

avangin a chin dan zir chawpa chin a ni a,

loneitute buh chin ṭhin (local variety) nena

khaikhin chuan hlawk an ti em em lo. A

chhan ni bera lang chu a hun taka rannung

thahna hloa sawngbawla enkawl a nih loh

vang leh kum dang aia an chin tlai vangin a

kung a puitlin hmain a vui ta mai si a, chu

chuan a thar a tihhlawk loh bakah a vuih hun

laia ruah bawhawk (550.5mm sept) tlak vang

pawh niin a lang. Serchhip District-ah hian

zau hrang hrang Zawlpui, Tuichar, Lumtui,

Tuikum, Chawm, Zehtet, Varhva, Thliarpui,

Zuangleng leh Lungbuk zauah te Fixed plot

siama observation neih a ni.

Champhai District (Agro-climatic zone-

Humid-temperature sub-Alpine, longtitude

93°30, Latitude-23°47, Altitude – 1600m):

Champhai District-ah hian zau hrang hrang

10-ah plot 67 siamin observation hi neih a ni

a. Nikum chhung khan buh phun hunah

ruahtui a ṭhat loh avangin loneitu tam takin

buh an phun tlai a, a hmun a zo deuh avangin

buh a puitling hman ta lo a ni. Champhai

District-ah chuan May-June chhung hian

ZORAM LONEITU VOL. 59 NO. 6 : JANUARY – MARCH 2016

-27-

hmalak a ni tlangpui ṭhin a, CAU-R1 bikah

chuan kum hmasa lamah lo enchhin tawh ni

mahse, kumin chhung hian thlai tichhetu

rannung ai mahin Blast disease (Buh natna)-

in a tichhe nasa hle. A chhan tam tak zingah

a tir aṭanga damdawia enkawl ṭhat loh vang

leh buh chinna phai leileta Sangha dah vanga

tui tlin rei vang a ni tlangpui. Hei hian buh

hnahkhawrtu a ti tamin buh tichhetu tam tak a

ti punlun bawk. Champhai District-ah hian

zau hrang hrang, heng Tlangsam, Awmpui,

Hlawnchin dum, Phaizau, Vawmlengkai,

Midum zau, Pumphir, Zote ṭiau zau,

Phaichhuk zau, Luangdarh zau, Keilungliah,

Phailai zau leh Phaichuan zauah te hian

Loneitute hriatpuina leh ṭawiawmna nena

observation hi neih a ni ṭhin a. Champhai

District lamah chuan Burma buh, DRRH-2,

Manipur-te hi Buh chin lar deuh a ni a,

Observation kan neihna hmun tam zawk

erawh chu CAU-R1 chinna hmun a ni

tlangpui.

Hetianga observation atana data chi

hrang hrang lak a nih chhung hian loneitute

leh District tina Officer leh Staff ten

ṭhahnemngai takin min ṭawiawm ṭhin a, an

chungah kan lawm hle a ni.

o0O0o

Kungtea Nupui Ve Thung!

Kungtea nupui hi nu lian tak a ni ve reng nge ni, a rit hrim hrim. An inah rukru a lo lut a,

Kungtea nupui chuan lo manin a ṭhut bet tlat mai a. An fanu hnenah chuan, ―Rang takin Police

va ko vat teh‖ a ti a. An fanu chuan ―Ka Silipar ka hmu zo lo‖ a lo ti a. Rukru pa chuan thei leh

thei lo hian, ―Mami, hmanhmawh teh, kha ka Silipar hi bun mai rawh‖ a lo ti vel.

o0O0o

Fit, Fit Leh Lo!

Inkhelhnaah striker-ah a ṭang a, a khalh char char a, goalie a bum vek tawh tihah a ding ta

tlat mai a, a ṭhiante‘n, ―Kungte, pêt goal ta che, ngati nge?‖ an rawn ti sap sap a. Kungtea chuan

zawitein, ―Chawn tha a chat a lawm maw le,‖ a lo ti sap.

o0O0o

ZORAM LONEITU VOL. 59 NO. 6 : JANUARY – MARCH 2016

-28-

THLAI RAL

PEST

R. Lalrinawma, MAS

Agriculture Extension Officer

Plant Quarantine Station

Indo-Myanmar Border Trade Centre

Zokhawthar

Mizovin ‗ral‘ tia kan sawi chu kan chhiatna tur hawizawnga hnathawhktu kan hmelmate

an ni ṭhin. Hman lai hunah pawh ral laka khaw mipuite an hima an ralmuan theih nana mi

hratkhawkhengte chuan dinhmun pawimawh tak an chelhin zah pawh an kai ṭhin a. Chung

hmelmate chu Agriculture ṭawng chuan Pest tiin kan vuah a. Kan thlai chinte hian an ṭiah tirh

phat aṭanga seng an nih hnu thleng hian hmelma an ngah em em a, chung ven hna chu thlai

neitute mawh a ni a, a ven dan kawng mithiam zawkte rawn chunga a hun taka hmalak a ṭul

ṭhin. Thlaite hian hmelma an ngahin a ven dan pawh chipchiar taka sawi tur a awm na a, tun

ṭumah hi chuan a tlangpui chauh kan lawr dawn a ni. A hun taka kan thlaite hmelma laka kan

venhim theih nan chung hmelmate chu engte nge? Engtin nge chhiatna min thlen theih? Engtia

ven tur nge? tih Zoram Loneitute tan kan phochhuak dawn a ni.

1. Mihring leh Ramsa/Ranvulh :

Mi tupawh, eng ramsa pawh i thlai tichhe tur

zawnga a khawsak chuan i thlai tan ral (pest)

a ni. Tun thleng hian khaw ṭhenkhatah chuan

ranvulh khuahkhirh lova khaw daia chhuaha

tlattir avanga Loneituten harsatna an tawhna

hmun a la awm nual mai. Ramsa/Ranvulh

(animals) te hi mihring tluk zetin an fing a, an

mizia pawh chik taka zir tel loh chuan ven

(control) mai theih pawh an ni lo.

Kan naupan laia ka la hriat chian em

em chu kan buh a ṭha a, a vui pawh a ṭha, kan

khuate pawhin ‗Tun kum chu kham in thar

ngei dawn e‘ mi‘n ti a, kan hlim em em mai a.

Seng tura kan feh zet chu Sanghal leh Zawng

rualin an lo chen a, chung lam aṭangin Vaki

leh Bemkawng ten an lo tlan bawk a, vauah

Thehleiin chhek ruin an lo tlan mek bawk a, a

neitu chan tur reng an dawn si lo! Lunghnur

leh beidawng takin in lamah kan haw a, ṭam

tuar hmabaka min dahtute leh an thlah kal

zelte hi tun thleng hian ka ngaina leh tawh

ngai lo a, ṭhian enin ka en thei tawh hek lo.

Ramsate laka thlai ven dan kawng

ṭhenkhatte:

i) A binga lo neih loh : Mahni chauha lo

bing neih chuan heng ralte hian an beih

vaih chuan an mam pak zel a, a huhoa

neih chuan kan mal tawrh lova, tlemin a

nep deuh.

ii) Dai theu : Mizoten sa thang chi

hrang hrang kan nei a, dai theu (dai

hmanga lo hung chhuah)-a thanga lo hual

chhuah hian ramsa lakah a him thei.

iii) Silai nen : Silai hi mi nazawng neih

theih a nih loh bakah a kap thiam leh

ransa zei zia hre ve lo tan chuan a ṭangkai

vak lo mai thei, a hmang thiamte tan

erawh a ṭangkai thei phian.

iv) Ran khuahkhirh : Khaw tinten ran

khuahkhirhna dan hi chak taka kalpuiin

ran neituten huangah dahin uluk taka vila

dai theu chhungah chauh ran tlattir hi a

hun tawh hle.

ZORAM LONEITU VOL. 59 NO. 6 : JANUARY – MARCH 2016

-29-

v) Riah chilh : Tunlaiah thlai inruksak

te a hluar chho ta hle mai a, rukru laka

venhim dan ṭha ber chu a hmuna

awm/riah chilh hi a ni a, a neituin a rial

rei lutuk chuan a bo duh khawp mai. A

rutu chiang taka mana thuneitute nena

chinfel hi a fuh viau zel.

Venneihthlak takin tunah chuan heng

Sanghal leh Zawng ang chite hi chu pawi

khawih tham tur khawpin an tam tawh lo niin

a lang.

2. Zu-va : Zu-va han tih hian Sazu, Bûi,

Thehlei leh Savate a kawk ber mai a. “Tun

kum chu zu-vain zah a ngai ang a….” tih

ṭawngkamin a kawh ber chu zu-vate laka kan

him leh him loh, kan control hneh leh hneh

loh hian loneitute damkhawchhuah leh

chhuah loh a hril a ni tih sawina a ni.

Mihring leh ramsate kan pung a,

ramngaw nungchate tuallenna kan tichhe lo

thei si lo a, kan inchiahpiah tawlh tawlh a,

hetih mek lai hian nungcha zawng zawngte hi

ṭhiana chhal vek a, humhalh tum hi a dik ber

lo, a chhan chu kan sawi tawh angin nungcha

zingah kan buh leh thlai tichhetu an awm ve

fo ṭhin a ni.

Melbuk-ah hian huan ka nei ve a, tui a

ṭhain lei a ṭha a. Kum 2012 khan Sihphir

aṭangin Bean chi ṭha la chhoin ka ching a, a

ṭha duhin a hlimawm khawp mai. Ka chhut

dan chuan a rah ṭha bawk a, ―Champhai Bazar

chu ka Bean tharin ka al hneh viau dawn e,‖

ka tih laiin Tlaiberh rualin a rah awm hmasa a

piang a chhungmu chuk chhuakin min seng

khalh zel mai a; Sava hlauh ka tar a, ni 3/4

chhung chu an hlau a, chumi hnu lamah

chuan keimah ngeiin ka ven a ṭul ta si a, lo lu

lama mi an bawh a, ka tlan chho a, lo lu ka

thlen chuan, ―Ka pawi ti lo, ka pawi ti lo,” an

ti a, lo mawng lamah an insuan leh a. Chutia

nilenga kan inchai meuh chuan ka chau lutuk

tawh a, tlai lama Tlaiberh rualin ka Bean an

suasam chu ui tak chungin ka thlir liam ta

vawng vawng mai a! Tlem chu ei se ka phal,

mahse, a vaia min pumbilhsak erawh chu ka

phal bik si lo a. A ram ngeihin thar theih

nana thil ṭulte nei vekin a hralhna ṭha hle

mahse, khang Tlaiberh rualte khan eitur a

awm leh hun dapin ka huan an rawn kan

chamchi mai si a!

Buh hmun i siam a, seng hun dawn

aṭangin Vaki rualin lo chung zawnah ―Kei,

kei,‖ an lo tih chuan lo welcome vak suh.

Seng hun i nghahhlelh ang bawkin an

nghakhlel ve a nia. I vauah Thehleiten tlak

hlarh hlarh chung leh Bemkawng rualin vau

thingzar aṭanga, ―Ka ei khawp ang‖ tia zai an

vawr lai hian lo hlimpuiin lo khawingam vak

suh, i chunga an rilru put hmang chu ka hrilh

tawh che kha. Heng bakah hian Sazu leh

Bûi-te pawh hi thlai hmelma zinga mi an ni.

Zu-va laka thlai ven dan kawng

ṭhenkhatte:

i) Thang : Sazu, Thehlei, Bûi-te hian Fu,

Buh Vaimim leh thlai dang an eichhe

nasa thei hle a, an kalkawng chhuichhuah

a, tah chuan Vaithang leh Thangchep

hmang tea man theih an ni. Bûi chu a

kaw tharlam zawnchhuah a, tah chuan

aluminium phosphide mum 3 dahin

chhilh leh tur. Tûr chi hnih, cake chi leh

a phut chi an ei duh zawnga pawlha an

chet tamna hmuna hrai hi Sazu control

dan awlsam tak a ni a, chaw chah leh

Sazu thi, Ui leh Zawhte ten an chhar loh

nan fimkhur a ṭul.

ii) Airgun leh Sairawkherh : Vaki, Bem-

kawng, Tlaiberh-te hian thlai rah an eiin

Ramar leh Vaṭhu-te hian buh chi so leh a

bi a mi, a ṭiah chhuah hma siin an chharin

Anṭam chi theh hlim an chhar zo vek thei

a. A man nan chuan Fal emaw a kam

ZORAM LONEITU VOL. 59 NO. 6 : JANUARY – MARCH 2016

-30-

theih a, Vaki, Bemkawng, Tlaiberh-te

erawh chu Airgun emaw Sairawkherh

emawa kah/perh mai loh chu ven

(control) dan dang a vang hle.

Mi ṭhenkhatin, ―Kan rama Sava kan

kap rem zo a, thlai bawmtu rannung an

puang,‖ an tih hi chu thu dik ni awm taka

lang, chhui chiana dik si lo a ni. Sava zawng

zawng hian rannung an ei vek lo a,

thlai/thing, theirah chauh ei an awm.

3. Rannung : Rannung kan tih hian

Laiking leh ke 4/6 nei, thlawk thei leh thlawk

thei lo chi kan huamtir ang a, rannung zawng

zawng hian thlai an tichhe vek lo a, rannung

ṭhenkhat heng, Uṭawk, Laiking, Bak, Uifawm

te hi rannung chawa ringin an nung a, loneitu

ṭhian an ni a, humhalh a ṭul hle.

Rannung laka thlai ven dan ṭhenkhatte:

i) Inseciticide : Loneitu ṭhenkhat chuan

kan lovah rannung tlema zawng an lo

awm a, kan ṭhiante an ni nge ni lo, kan

pawi an khawih theih dan pawh ngaihtuah

lovin Tûr kan hmang nghal tawp mai a.

Hei hi chu tih loh tur a ni. Pawikhawih

thama tam, kawng danga control theih loh

an nih chinah Agriculture mithiamte rawn

chunga Tûr hman chauh tur a ni.

ii) Biological Control : Rannungah hian

rannung vek ei chi Uifawm, Uṭawk,

Laiking kan tihho hi humhalh an ṭul.

iii) Agronomic Approach : Rannungte

hian thlai khawihchhiat theih hun lai an

nei vek a, rannung hnawksakho mizia

hriatchian hnua thlai chin dan phung her

rem hi a tum ber a ni.

4. Natna : Thlai chi hrang hrang

hian natna bik an nei ṭheuh hlawm, chung

zingah chuan Hmuar (Fungi, Bacteria),

Mycoplama, Virus, Thlai-rulhut (Nematode)

te hi an ni a, thlai bi tum bik an nei ṭheuh a,

thlai hrang hrangin a inkaichhawn theih chite

pawh a awm nual.

Natna hrik laka thlai ven dan ṭhenkhatte :

i) Thlai natna hrikte hi mit lawnga hmuh

mai theih loh an nih avangin kan thlaite

an hrisel tawk lo nia kan hriat chuan

Agriculture mithiamte rawn vat hi kawng

awmchhun a ni.

ii) Natna vei tawh thlai aṭang hian a chi,

rannung, mihring, ramsa, thli leh tuiten

natna an thehdarh theih avangin natna

thlenna hmun tlawh zawhah thlai hmun

danga kalte pawh tih loh tur a ni. Natna

vei tawh thlai aṭangin a chi lak loh tur a

ni.

5. Hlo : Hloten kan thlai an tihchhiat

dan chu kan hre vekin ven dan pawh – Kuta

thlawh, tui chim hlumtir, Hlotûr hmanga thah

te hi kan rama tun dinhmuna a lar zual chu an

ni mai a. Kan thlai chin a zirin hlovin a

khawih pawi theih hun chhung a inang lo nual

na a, thlaiin a ṭhan hunbi a hman zawh tawha,

rah a insiam tawh hnu chuan Zuva a nghal

duhin seng a har tih mai lohah chuan hlo

thlawhfai kher hi a ṭul tawh lem lo.

Aw le, kan ram dinhmun (economy)

innghahna banpui chu Agriculture a nih

avangin loneituten kan mawhphurhna

pawimawh tak hre chungin kan thlaite an

RAL laka venhim a nih theih nana kan tihtur

(thlai venhim) hna a hun taka thawk thei turin

inpuahchah ang u.

o0O0o

ZORAM LONEITU VOL. 59 NO. 6 : JANUARY – MARCH 2016

-31-

Kan Chet Velna

1. Mizoram Agricultural Management & Extension Training Institute leh Extension Education

Institute, Jorhat-te buatsaihin January ni 19 – 24, 2016 khan Agriculture Conference

Hall-ah Off-Campus Training neih a ni a, Line Department aṭangin mi ṭhahnem tak an tel.

2. January ni 18 leh a hnu lamah khan Pu R. L. Thanzuala, Joint Director of Agriculture

(Technical) leh Pu Lalhmingmuana, SO-cum-SA te chuan Lunglei leh Lawngtlai District-a

Department hmalakna hrang hrang an tlawh a, Chawngteah Farmers Training an neihpui.

3. January ni 20, 2016 khan Director Dr. C. Lalzarliana chuan Mamit District-a Oil Palm

chinna hmun hrang hrang a tlawh. Director hi Pu C. Lalthlamuana, Deputy Director (Oil

Palm) in a ṭawiawm.

4. Oil Palm Nursery Inspection Team din a ni a, heng mite hi mawhphurtute an ni a, kum 2016

February thla chhung hian Oil Palm Nursery inspection hi zawh hman tura ruahman a ni.

Pu R. L. Thanzuala, Joint Director (T) - Team Leader

Pu C. Lalthlamuana, Deputy Director (Oil Palm) - Member Secretary

Pu George Lalthanngura, Asst. Soil Survey Officer (E) - Member

Pu Vanlalruata Hnamte, AEO - Member.

All concerned DAOs - Members.

5. February ni 2 & 3, 2016 khan New Delhi-ah ‗Kharif Zonal Conference on Agril. Inputs

2016‘ neih a ni a, Pu Lalchhanliana, E.E. (Agril. Engg.) leh Pi Lalengzami Haolai, ASC te

an tel. He Conference-ah hian ‗Mission Organic Value Development for North Eastern

Region‘ chungchang sawiho a ni.

6. Department of Agriculture (Crop Husbandry), Government of Mizoram leh ICAR-Indian

Institute of Oil Palm Research, Andhra Pradesh ṭangkawp buatsaih ni hnih awh Workshop

on Oil Palm chu nimin February ni 2&3, 2016 (Thawhlehni) khan Aijal Club-ah neih a ni a.

He Workshop thupui hi ‗Technological Strategies for Oil Palm Plantation in North Eastern

Region‘ tih a ni.

7. February ni 4, 2016 khan Quarterly Review Meeting for the 3

Quarter, 2015-16 chu

hlawhtling taka hman a ni a, Pu R. Lalzirliana, Hon‘ble Minister, Agriculture chu Khuallian

a ni.

8. February ni 5, 2016 khan ‗Workshop on CAU-R1‘ hlawhtling taka neih a ni. He hunah hian

Prof. Premjit Singh, Vice Chancellor, Central Agricultural University, Imphal chu Khuallian

a ni a, Dr. Noren Singh, Deputy Director, CAU, Imphal, Dr. S.B. Singh, Joint Director,

ICAR, Kolasib te bakah KVK Scientist-te leh Agriculture Department aṭangin presentation

ṭha tak tak ngaihthlak a ni.

ZORAM LONEITU VOL. 59 NO. 6 : JANUARY – MARCH 2016

-32-

9. February ni 5, 2016 vek khan Agriculture Conference Hall, Aizawlah ‗World Soil Day‘

hman a ni a, Pu Lalhmingthanga, IAS, Agriculture Secretary chuan kaihruaiin Lt. Col. Z. S.

Zuala, Parliamentary Secretary chu Khuallian a ni. He hunah hian Officer leh Staff

kalkhawmte hnenah lei humhalh pawimawhzia inziritr a ni. World Soil Day hi District tina

KVK hmunah te hman a ni bawk.

10. February ni 17, 2016 khan New Delhi-ah ‗Task Force on Agricultural Development

(Regional Consultation, North, East & NE States)‘ meeting neih a ni a, Pu Lalhmingthanga,

IAS, Secretary, Agriculture leh Pu Rohmingthanga Colney, Deputy Director (P&M) te an

tel. An pahnih hian ni 19.2.2016 khan ‗Mission Organic Value Chain Development for NE

States‘ meeting-ah tel nghalin

11. Directorate of Agriculture Office building chu a sakna a rei tawhin June ni 4, 1985-a hawn

tawh kha a ni a, tunah hian a building hi a ṭha tawh lo hle mai a, PWD Quality Control Sub

Division tehnaah pawh rintlak a nih tawh loh avangin sak ṭhat tura ruahman mek a ni.

February ni 22, 2016 khan kan Minister Pu R. Lalzirliana hovin Minister 3, Department

dang ṭangin Official 4 te bakah kan Department aiawhin Dr. C. Lalzarliana, Director,

Pu R. L. Thanzuala, Joint Director (T), Pu K. Cholo, Joint Director (P&M),

Pu Rohmingthanga Colney, Deputy Director (P&M), Pu Lalchhanliana, E.E. (Agril.Engg.),

Pu George Lalthanngura, ASSO(E) leh Pu Tlangtimawia Zote, Insecticide Analyst ten a

hmunah enfiahin building sak ṭhat dan tur mai bakah vantlang tana hmun ṭangkai buatsaih

tura ruahmanna siam a ni.

12. March ni 2 – 4, 2016 chhung khan Guwahati-ah ‗Mission Organic Value Chain

Development for N. E. Region‘ chungchang meeting neih a ni a, Pu Rohmingthanga

Colney, Deputy Director (Extension) leh Pu Denny Lalchhuanawma, AEO te an tel. Hei hi

scheme thar niin Mizoram atan ‗Mission Organic Mizoram‘ tia din a ni a,

Pu C. Lalnithanga, Deputy Director (R&E) chu Officer Incharge atan ruat a niin thlai thlan

bik – Aieng (2,000 Ha.), Sawhthing (2,000 Ha.) leh Vaihmarchate (3,000 Ha.) te chu

Aizawl, Lunglei, Champhai leh Kolasib District-ah te chin tura ruahman a ni.

13. March ni 10, 2016 khan JICA Team-te nen Mizoram Agriculture hmalakna leh thil dangah

te inkawmhona neih a ni a, Kolasib leh Serchhip District-a Agriculture Department

hmalaknate enpui an ni. Kolasib District-ah hian Pu C. Lalthlamuana, Deputy Director (Oil

Palm) in a kaihruai a, Serchhip District-ah hian Pu Lalthanzuala, Deputy Director

(Agronomy) in a kaihruai. JICA te nen hian kan Department hotuten ni 24.3.2016 khan

thawhona tur thuthlung, Memorandum of Understanding an ziak.

14. March ni 14, 2016 khan IIOPR aṭanga lo kal, Dr. K. Ramachandrudu, Principal Scientist leh

Dr. P. Naveen Kumar, Senior Scientist-te chuan Oil Palm Nursery hrang hrang, Sairang,

Dialdawk leh Bawngva te an tlawh a, Pu R. L. Thanzuala, Joint Director (T),

Pu C. Lalthlamuana, Deputy Director (Oil Palm) leh Pu Tlangtimawia Zote, Insecticide

Analyst ten an ṭawiawm.

ZORAM LONEITU VOL. 59 NO. 6 : JANUARY – MARCH 2016

-33-

15. March ni 20, 2016 khan Assam aṭanga lo kal, loneitu mi 8 leh Council Member mi 3 te

chuan Khamrang Oil Palm Plantation area leh Bukvannei Oil Palm Mill an tlawh a,

hlawkthlak an ti hle. Visiting Team-te hi Pu C. Lalthlamuana, Deputy Director (Oil Palm)

in a hruai.

16. March ni 28, 2016 khan Agriculture Conference Hall, Directorate-ah Agriculture Officer

kalkhawmten Director Dr. C. Lalzarliana hovin Pradan Mantri Fasal Bima Yojana

(PMFBY) zirhona neih a ni. PMFBY hi Crop Insurance Scheme thar niin khuarel chhiatna

avanga loneitute chhawmdawlna tura Central Sorkar buatsaih a ni.

o0O0o

Chhanchhuah Hit Lo!

Picnic-naa pool-a nula pakhat tui tla chu thi chhawngin an chhar a,

a chhartu Kungtea chuan bawihsawmin a ka-ah te chuan a hâm vel a.

Chu nula chu a rawn harh chhuak leh ta a, ―Ka lawm hle mai, min chhanhim a,‖ tiin

Kungtea chu lawmthu a hrilh a.

Kungtea chuan ngui nghiaiin,

―Tikhan bird flu i vei ve chiah!‖ a lo ti sap.

o0O0o

ZORAM LONEITU VOL. 59 NO. 6 : JANUARY – MARCH 2016

-34-

Keimahni

1. Pu Lalrinliana, Director of Agriculture (Research & Extension) chuan ni 30.11.2015-a a lo

pension tak avangin a hmun ruak hi Pu H. Lalthanpuia leh Pu H. Thankhuma ten an luah a,

pension bawka an chhuahsan hnuah tunah hian Pu Lalthansiama‘n Director of Agriculture

(Research & Extension) hna hi a chelh mek.

2. Pu Zokhuma Varte, Assistant Plant Protection Officer chuan January, 2016 aṭang khan

Directorate-ah a hna thar a zawm.

3. Pu K. C. Phugal, SDAE (Rtd), Kolasib chu ni 31.1.2016 khan a boral. Pu Phugal-a hi

Agriculture Department tana mi ṭangkai tak, a thiamna leh finna te hlawk taka kan lo

chhawr tawh a nih avangin Department chuan a ui takzet a ni.

4. Pu Sailoliana Sailo, Deputy Director (Accounts) chu Joint Director-a a kaisan tak avangin

South Zone, Lungleiah sawn a ni a. Directorate of Agriculture-a a hna kalsan tak chu

Pu Zokunga, Deputy Director (Accounts), PHE Department-in eng emaw chen a hmui

hnuah Pu V. L. Thlanawma chu kan Directorate-a Deputy Director (Accounts) atan dah zui

a ni.

5. Pu H. Ramliana, AEO chuan SDAO-a a kaisanna tur a turn down.

Kai sang :

March ni 31, 2016-a Sorkar Notification chhuah angin heng mite hi MAS Grade-V (AEO

and equivalent posts) aṭangin MAS Grade-IV (SDAO and equivalent posts)-ah an

kaisang –

Pu Lalnunmawia, B.Sc (Agri)

Pu Vanlalruata Hnamte, B.Sc (Agri)

Pu Lalremruata, B.Sc (Agri)

Pi Lalnunpuii Parte, M.Sc (Agri Extn.)

Pu R. Lalpianmawia, BAT

Pu Kapnghilhlova, BAT

Pu H. Ramliana, BAT.

ZORAM LONEITU VOL. 59 NO. 6 : JANUARY – MARCH 2016

-35-

Transfer :

Heng kai sang tarlante leh a hnuaia tarlante hi an hnathawhna hmun siam ṭhat a ni.

Sl. Name of Officer Present place New place of

No. of posting posting

1. Lalmalsawma SDAO, Kolasib Instructor, ITC, Hnahthial

(attch to NLUP)

2. Lalringliana SDAO, Hnahthial SMS (SS), Serchhip

3. Lalengliana SMS (Agro), Kolasib SDAO, Kolasib

4. V. Zamliana Instructor, ITC SDAO, Hnahthial

5. Lalnunmawia Khawruhlian Instructor, ITC, Hnahthial

6. Vanlalruata Hnamte Directorate (CH) SDAO, Tlabung

7. Lalremruata DAO, Aizawl SMS (Agro), Kolasib

8. Lalnunpuii Parte Directorate (R&E) Instructor, ITC, Hnahthial

(attch to Dte.R&E)

9. R. Lalpianmawia Muallungthu SDAO, Kawtethawveng

10. Kapnghilhlova Directorate (CH) Seed Analyst (Attached to

DAO Office, Aizawl)

11. H. Ramliana DAO, Lunglei SDAO, Chawngte.

o0O0o

ZORAM LONEITU VOL. 59 NO. 6 : JANUARY – MARCH 2016

-36-